برد و سلام

[بحر الشـــــوق]

"كم ضمت فيني الجروح .. و ماوريتك كم نسيت اني حبيبك .. بالكلام

ماخذيت .. و كم من سنيني .. عطيتك وكل عام اودعه .. يبكيه عام

كم تركت الناس من خلفي و جيتك خطوة تصحى .. و خطوات تنام

كنت ضايع .. و احسب اني لالقيتك انك اللي صار لي .. مسك الختام

قلت احبك .. و انت قلت .. البيت بيتك قلت نار .. و قلت لي برد .. و سلام

وراحت سنيني .. و انا علك و ليتك بالغرام .. انك تبادلني الغرام

ما بقى رجوة بقت لي ما رجيتــك ومن ورى ظهرك.. رميت الاهتمام

جيت لك ميت و احسب اني حييتك و اثر حبي .. مرك امرور الكرام

ياالظلام اللي على عيني رميتك هي متى عيني تفتح في الظلام

ما ضحكتك حب.. لكني بكيتك لين ضاعت كل الاشياء .. في الزحام "



مع تحيـــــــــاتي ..
بحر الشـــــــــــــوق