نخيت الموت يفزع لي /
قصيدة أعجبتني فأحببت أن انقلها لكم :
نخيت الموت يفزع لي , دخيلك ترحـم المضهـود !!
دخيلـك ترحـم المجنـي عليـه بعيـد مـيـلاده !!!
" عشرين سنه " مرت , و وسنه كل ابوهن سود !!
عليه , و نكس البيـرق !! تشهـد واعلـن حـداده !!!
سواد الليل في شمسه , عبوسٌ فجـره المولـود !!
زمانه كشـر انيابـه , و تضحـك سـن حسـاده !!!
عقارب ساعتـه تلـدغ , يبـث سمومهـا النمـرود !!
عقارب ساعتـه عيـت تقـف فـي وجـه جـلاده !!!
الا يا الموت , لا تبخل عليه , و حقـق المقصـود !!
حياتـه مـا لهـا معنـى , مماتـه ثالـث اعيـاده !!!
وانا المضيوم و المبلي , و انا اللي بموتتي محسـود !!
الا ياقدرعجل براحتي واضغـط زنـاده !!!
رجيتك , نخوتك , تكفى , طلبتك يومـي الموعـود !!
و تعطي باقي ايامـي , لمـن هـو يطلـب زيـاده !!!
نخيتك , فزعتك , تكفى , طلبتك صـوب البـارود !!
على من صوبه همه , طريـح فـراش و وسـاده !!!
نخيتك , فزعتك , تكفى , طلبتـك حيثـك المنشـود !!
لأنه ما بقى لـي فـي حياتـي شـفُ او راده !!!
و لكن الصدى ردد , يقـول : ان الأجـل محـدود !!
محـال الـروح يقبضهـا الالـه بغيـر ميـعـاده !!!
عرفت ان العمر توه مديد !! و لا بقـى لـي كـود!!
اردد و اجهـر بصوتـي : تمـادى الحـظ بعنـاده !!!
الا يا الله سامحنـي , نويـت انظـم بـدون قيـود !!
قصيده تحمل همومـي , عسفـت الهـم و جيـاده !!!
" طنايا الجن " في صدري تقول : اقطف ثمر عنقود !!
اشـاره منـك تكفينـا !!! نجيـك اشعـار منقـاده !!!
و لكن شاعري " بحرً ورثته عن عريب جـدود !!
جنون الجن تخضع له , و تطلـب فزعـة السـاده !!!
على وقفت مدينه حمص " نقشت الصخرة الجلمـود !!
نزفت الدمعة الجمره !! قتلـت حصـان طـرواده !!!
صرخت و صرختي دوت !! و هبت بي هبوب النود !!
سجدت السجدتيـن اللـي تراهـا بقلـب سجـاده !!!
كرامة نفسي اعرفهـا الجبـال الشامخـات الطـود !!
و لو تطلب نظر عيني !! تجيهـا الـروح سـداده !!!
عزيز النفس ما يرضـى يعيـش بظلمـة الأخـدود !!
و مثلي لانجرح ينصى كريمً , يعرف ضمـاده !!!
همومي بالحشا طفلً غريرً به ملامـح عـود !!
تربى في قفص صدري !! و شاب و شابـوا اولاده !!!
همومي ويـن اوجههـا؟ همومـي مالهـن حـدود !!
شمال و شرق مع غرب و جنوب , تركـز اوتـاده !!!
همومي في شراييني " جهنـم " و العـروق شهـود !!
وهـذا هيكلـي العظمـي بـه النـيـران وقــاده !!!
همومي كل ما قلت ادبرت !! ردت و جتني وفـود !!
كأن وجودها بصدري , وجوب و فرض و عبـاده
أتمنى أني وفقت في نقلها لكم وتقبلوا خالص تحياتي والسلام عليكم ورحمة الله وبركاتة.
__________________________________________________
العرض الشجري
