،*^ ((( آآآه ياكون ))) ^*،

[الرزينة]

	ياكون .. وش فيك .. ماعاد لك طعم ولا لون كل مافيك تغير .. يبس زرعك الاخضر ذبل زهرك .. تنثر وسط العيون وانت ياسما .. ليه طحت .. ليه طعت من ناداك ونزلت .. تركت مكانك العالي .. ورضيت بالدون وأنت ياأرض تكلمي .. قولي معاناتك.. اشتكي وتألمي .. لاتكتمين وتجاملين تحسبين كل من لثم ترابك حنون .. يدوس باقدامه قلبك .. يسرق مسافات دربك بعدها يغدر بك ويخون وانت يازمن .. صوت الثواني .. يتهمك .. بانك أناني .. مدري من اللي خان الثاني ومن هو اللي فيكم وفى .. ومن اللي لعهده يصون وانت وأنا وكلنا .. وش بقى فينا .. وش اللي راح مننا ليه أشوف بقايا انسان .. نبضه حقد .. دمه حسد بعيونه غدر .. وبانفاسه جحود ونكران .. يبيع احبابه لاتفه سبب .. يحسب انه غابن وهو مغبون مابقى من صوتي غير آهه .. من قلب تطلع ولآخر الكون مداها .. ياويل من سمعها والا سمع حتى صداها لو كان عاقل .. لابد يفهم معناها .. بعدها لاتلومونه ان غدى صدق مجنون آآآه ياكون .. ماعاد لك طعم ولا لون