يا الحروف الصمت ردي لي جواب
وارحمي قلبي ترى ضاق الصدر
ان خطيت والله أرضى بالعتاب
وأرسل الأشواق مع باقة عذر
امسحي الدمعات يكفيني عذاب
واتركي الماضي ترى هذا قدر
حبك بقلبي ترى ما هو سراب
هو حقيقة باقية لطول العمر
اقضي أيامي مثل مر السحاب
ساعة تصفى وساعات كدر
كل ما لاح الأمل قلت استجاب
صرت أعيش أيامي بمد وجزر
كنت أظن الحب مثل سطر الكتاب
لو خطيت بسطر تلقى لك سطر
كيف صار الحب يحيا باغتراب
والغريب اللي إذا حب ما غدر
اشتكي يا ليل من صمت الجواب
عبرتي في خاطري دمع هدر
ما أظن يا ليل تحمل لي جواب
لكن اطلب ربي يلطف بالقدر
صمت الجواب
العرض الشجري
