بعدك ما عرفتيني

[نصور]

أخيراً..مابغـيتي تقلبـي الصفحة علي وتجـين =على اعصابي وربي لين شرفتي وجيتيني
عمــومـاً ما عـرفتيني؟(نويصر)ناظريني زين =تهجي صورتي واتمعـني فينـي وشوفينـي
صحيح ان الحزن سوا سواته من ثلاث سنين= وغير في ملامح شاعـرك يومـك تركتيني
ولـكـن بي علامة فــارقـة من يومـها للحيــن =دخيلك ركــزي هـي لو لقيتيـها عرفتينـي
دخيلك شوفي عيوني وقولي لي وش تشوفين =أنا باعلمك .. مشهد فراق ومسرحه عيني
تعالي اتفرجي مشهد من إخراجك سنة ألـفين =إلين الحين يُعرض ويتوزع فـي شرايينــي
بكيـت وقتها لين انفجـر تحت الهـدب عرقيـن =توسلتـك.. طلبتـك بس ما كنـك سمعتينــي
على اللي صار منك يابنت الناس لو تدرين =شمت فيني المكان اللي على صدره رميتيني
جلست أتأ ملك يا مقـفـية في عيني تذوبيـن= وجمعت اللي بقى مني وجا واــحد يواسينـي
أثـاريه الشعـر جالي بهيئة شيـخ فالستـيـن= وفي الــعــادة إذا ضاق صـدري مايـخـليـنـي
تجاهلته وطبطب على كتفي قال: قول امين= (عسى الله ينتقم منها) وصـد وراح يـبكـينـي
عرفتي من أكون ؟ اتكلمي ما أسمع اش تولين= بربك..أسأ لك بالله بغيــابي ما ذكــرتــينــي
قسم بالله ما أنسى ماحصل منك ليوم الدين =كفاية وأبــعــدي عني ترى من جد ما فيـني

نــــــــصــــــــور