اعبثي بالروح دامك يا غناتي تستريحي=واسرقي قلبي بلحظك انا يا روحي فداك
شيدي امجاد ذكرك في فؤادي واستبيحي=دامني مملوك راضي دوم في حضرة ولاك
انزعي شريان نبضي واقطعيها والا سيحي=تسمعي كل قطره فيني (تحلا ايامي معاك)
وكل همسه في خفوقي يوم ناديتك بروحي=وكل طاري لو براني دوم يالغالي بهواك
اذبحيني كيف ما ودّك وحسبك لا تروحي=كان اقدّم لك عيوني والله ما تسوى غلاك
وانثري الام عمرك واجمعيها في جروحي=وافرشي روحي بدربك والا دوسيها بخطاك
املكيني واجهضي احلام عمري او طموحي=عادها احلامي ترحل لو يعارضها مناك
شرقيني وغربيني كيف ما ودّك وبوحي =والله يطربني عتابك كيف لو اسمع غناك
واسمعي انغام عزفي واتركي اهات نوحي=كل ّ ذا يا شوق ملكك انت يا اغلا ملاك
العرض العادي
