نجوم الصبح بانت نجوم الصبح واللي في عيوني من عَصـر=مــا هــوب دمــعٍ لا تضايـقـت آتنـهّـتْ واسكـبـه لا والله الا حلـم شيـخٍ عـن طمـوحـه مــاقـصَـر=لـو قصّـرت سـود الليالـي مــن يميـنـه وشْنـبـه وانــا لــو انــي مــا تعـلّـمـت الهـزيـمـه والـنـصـر=مـا كـان ذقـت مـن الهـوى القتّـال مـرّه واعـذبـه شاعر وعصري فاتني واعيش فـي أغـرب عصـر=لا الوقـت وقتـي والزمـن مـا بينـي وبينـه شبـه لـكـن هـنـوفٍ مثّـلـتْ دور الـعـزيـزه فـــي مـصــر=قدّتْ قميصي واسرفـت فـي وصلهـا قبـل انتبـه يوم انْتبَهْـتْ استشهـدت ضـدّي بحـرّاس وقصـر=قلـت ارحـمـي عـزيـز قــومٍ ذل وارخــى منكـبـه ماني نبـي الله اقـاوم حسـن خصـرك لا انهصـر=انــا بـشـر عـبــدٍ ضـعـيـف وكـــل بـــرقٍ يـجـذبـه قالـت وهـي تُـوّي تثـنّـى كــنْ مــا فيـهـا خـصـر=الشـعـر يــا ضـيـدان ورث جــدود ولاّ موهـبـه؟! قلت الشعر سحرٍ يسخّر لـي القلـوب ويختصـر=عمـر المسافـات الطويلـه والسنـيـن المجـدبـه والحب شيٍ لو حصرته في ضلوعي ما انحصـر=يطغي على حدْب المحاني لين ابيحـه واكتبـه وان علّمتنـي الفاتنـه وشلـون اسيـر ابـلا بـصـر=علّمْتَـهـا الفنـجـال وشـلـون اتـحــدّى واشـربــه وعلّمْـتَـهـا إنّـــي كـــذا طـــال الـزمــن ولاّ قـصــر=وان اعذب الحب اصدقه وان اعذب الشعر اكذبه للشـاعــر ضيـدان بـن قضعـان
الحقيقه روعه روعه صح لسانك مشرفنا المتألق دااامي خاطر لا خلى ولا عدم
هلا وغلا ... أخوي الغالي ... دامي خاطر ... إختيار مميز .... لشاعر مميز .... تسلم يمينك ... تحيااااااتي ,,
روعتها وتميز نقلها لتواصلكم اساتذتي الكرام محمد ونواف لكم خالص الشكر على حظوركم ووضع بصماتكم الرائعه والساميه بكم تحياتي الخالصه لكم اخوكم ومحبكم دامي
مشرفنا الغالي :::::: داامي ::::::: نقل متميز للشاعر للشـاعــر ضيـدان بـن قضعـان اختياااااااارك رااائع وذووقك ارووع يااكل الحب تقبل خاااالص التحيه اخوووك عذب الوصاايف
عذب الوصايف حضورك جعل الصفحه اكثر جمالا وتواصلك اخي الغالي وراء تحري الجمال والروعه خالص الود لك عذب دامي
العرض العادي
