حــــــــكاياتــــــــــي
ركبت البحر وشراعي هواك ومركبي صدرك =ادل دروبي بحسك الين اوصل بداياتي
أشوف الكون بعيونك وأعيش سنيني بعمـرك= يطل الصبح من وجهك وتحلى بليلك أوقاتي
بدونك فرحتي تذبل وأظل اسقيها من صبرك= واهجر كل شي فيني عيوني شعري وشفاتي
ولي شفت الزهر يرقص اتوه بنفحه من عطرك =ويوصلني صدى صوتك يطاردني بمتاهاتي
تناديني بدفا شوقك وأنا بردانه من هجــرك =وأحس دفاك يبعثرني ويلملم باقي شتاتـي
وأصير برجعتك طفله أداعب مدك وجــــزرك = واذكر كل شي يطري علي واهجر سكاتي
واهمسلك أنا احبك لجل تخفيها في ســـرك =وكل ماضاق بك صدرك ترددها بهمساتــي
أنا ادري احترت في حبي وأنا محتاره في أمرك =واحبك كلمه تعجز تشيل الحب في ذاتـي
حدودي في الهوا ابعد من نجومك ومن قـــمرك= مثل ذاك السراب اللي أشوفه في خيالاتي
حبيبي لو بيكتبني الهوى قصه على سطـــــرك =بيبدي وينتهي باسمك لأنك كل حكاياتــي
العرض الشجري
