حبيبي مابقى وجه الصباح يشع به انوار=ولا وجه المسا عاده يغطيني بمواعيده
ولاعاد النجوم اللي تخيلك بالسماء امرار=تشوف اللي يسامرها بضحكه ويشر لها بيده
ولاهاك القمر اللي خذا من وجنتك اسرار=يجي يختال بانواره تفجئ نـــــــورك يبيده
ولاهاك الزهر اللي ربى في روضة الازهار=لي مره هبوب الريح حبيبي من طيبك تزيده
ولاهاك السحاب اللي بطياته ربيع امطار=ترك هالجرهدي من البطا عنوان لجباله وبيده
حبيبي والضلوع ابها من وجاعي تسيل انهار=ولا يقوى على هجرك خفوق ٍ مل تنهيده
بكيت الدمعه العذراء رويت ابها لك الاعذار=وهلت عيني افواجه بعدك اه ياكثر تعديده
ادور في ملامح هالبشر شي ٍ عليه اختار= الا يا قلب طا وعني حلاة الحـــــــب تجديده
يجي منهو يسامر غايتك بحشمه ومقدار=يبـــدلك عن اوجاعك فـرح اليوم وتـــــغريده
علامك ما ترد ساكت على بالك نويت اجبار=ابد ماجبر ك ياقلب دامه ربيع العمر وعيده
اشوف بعيني اطيوفه وعليها ينتشي التذكار=ابد مالي كلام الا غلاها وسم ياكثر ترديده
اســــــامر ليلي بعيني تهقوى لحظة المسيار=مع ازال العرب يمكن ضهر بين البشر جيده
سكوتي ينتظر لحظة كــــــــلام يروي الاخبار=ملامح وجه يبكيلك رجاء وقت الفرح عيده
حبيبي لك اعيوني والسهر وباقي الاعــــمار=وحب ٍ غشى هالكون صعب ٍ يتم للكون تحديده
ونا احبك وحب اللي يحبك ويعشقك ون صار = لك دوني عشــــــــــيق ٍ كنت بيوم لك تريده
ابدعيلك وبدعيله انا في ذروة الاسحــــــار=عسى ربي يتمم صدق اشواقه ومن غلاك اتزيده
حبيبي بس اذكرني حبيب ٍ يعشقك بصرار=يفيض الدمع من عينه دفين الحب بوريـــــــده
العرض الشجري
