زان الربيـع وزان فالبـر سجـه
اقضيبها عمر الوناسـه ليالـي
من حيث مايطـرى علـى اتوجـه
أما جنـوب اروح والا شمالـي
مشين مع الدار الوسيعـه وفجـه
اطرد بها همى وينسـاح بالـي
يوم انقضاء لاهوب صيفه وعجـه
بكر لها الوسمى صدوق الخيالي
مجـر سيلـه فالوطـا ومـدجـه
اسبوع والنـوار فيـه امتوالـي
تلقا ام سالـم كـل صوتـاً تلجـه
لبس الخضار الأرض مثل الزوالي
وبالليل ونجوم السمـاء مبرهجـه
اسكن بها أحلا جو وأنـا لحالـي
والهيل بالرسـلان قامـت تزجـه
والجمر وحروف القصيد الخيالي
أبعد بها من مجتمع كذب وصجـه
غيبه نميمـه مالـه أول وتالـي
يوم أكثر اللحظات بالعمـر دجـه
عند الذي قلبه من الدين خالـي
أطلبك يافـارض صيامـه وحجـه
وأسئلك يالله لا تخيـب سؤالـي
وجهى بغفرانك مـن النـار نجـه
وأحسن خواتيمي وزين أعمالـي
بندر الفيصل (وزان الربيع)
العرض الشجري
