معاً ضد الارهاب " يا دارنا "

[عيني عليكم]

في ظل هالحملة الوطنية ضد الارهاب ، وطرح MBC-FM لأغاني وطنية ، واللي احنا من زمان عنها ..
وأنا بصراحة من عشاق هذا النوع من الأغاني ومنذ الطفولة ، فاضت القريحة الشعرية عند سماع هذه

الأغاني ، وقمت بكبت جموحها ، لأني بالسيارة وما أقدر أكتب ، حتى حانت لحظة النهاية للكبت

المتواصل ، فبدأت ببيت ، ثم عدلته وغيرت بعض التغييرات عليه .. فخرجت هذه القصيدة
أتمنى أن تنال إعجابكم واستحسانكم وهذه أقل شي يمكن أن يقدمه شخص مثلي ، لهذا الوطن ..

يادارنا ربي يطول بعزك = الله يرد الكيد بنحور الأعداء
مافيه ريحٍ تقوى يومٍ تهزك = دام الفهد وجنوده الها تصدى
حنا جنود الدار وحنا نرزك = ايه نتحدى والله احنا نتحدى
من أرهبك يادارنا يستفزك = ثرنا غضب بركاننا مايردا
سر يافهد حنا جنودك وحرزك = عن كل حاقد كلمة الشر بدا
حنا معك ارهابهم لا يحزك = مثلك تكرم وأعطى فرصة للأصداء
فات الشهر ماعاد ينفعك لمزك = فات الشهر يوم السموحة تعدى
ارهابهم جزه عسى مايجزك = شرٍ وأقطع دابر اللي يتعدى
بحكمتك بتفوز والدين رمزك = وحنا على البيعة ترى مانتردى
ابليس بالله عذت من شر همزك = ضد العدو نصير يداً بيدا
دور ملزك يالعدو من يلزك = قل وش جبرك تغير دواك للدا
يامرهب الاسلام بس من هو وزك = جاك الجزر مافيه جزر ومدا
حنا نشوفك ايه حنا نقزك = ابشر بذلّك وابشر اليوم باردى
يادارنا مافيه شخصٍ يخزك = الا ويسعى يم موته يقدا
يادارنا عزي ترا اليوم عزك = والكيد راح يعود وتموت الأعداء