بعـض الطـرب فــي هالـزمـن صــار ينـعـاف
واقــــدر أقــــول إنّــــه مــجــون وسـفـالــه
وآشـوف فـي (الفيديـو كليبـات) الاسفـاف
واشفـق علـى مـن قــال (فـنـي رسـالـة)
لانــيــب مـتـحـامــل عـلـيـهــم ولاجـــــاف
لــكـــن بــجـــد غـاضـتـنــي (الـبـرتـقـالـه)
صـــار الـغـنـاء سـيـقــان وخــصــور وارداف
وصـــوتٍ نــشــاز وقــمــةٍ فــــي الـنـذالــه
مهمـا نـصـف قـلـت حيـاهـم مــن اوصــاف
مـانـكـتـفـي بـــــس بـالـقـصـأيـد حـيــالــه
مــثــل الـعـفــن هــــذا يــواجـــه بــإقـــاف
بــثــه وتـخـلـيـص الــمــلا مـــــن ظَــلالـــه
دورت عــل ألـقــى لـهــم كـلـمـة إنـصــاف
واجـهــت فـــي كـــل الامـــور إسـتـحـالـه
أمثـال هـل الحشـرات تحتـاج ( بـف بــاف)
يـقـضــي بمـفـعـولـه عــلـــى هـالـحـثـالـه
الـلـي تـعــدّت عالـقـيـم هـــي والاعـــراف
وخـرجــت عـــن حـــدود الأدب والاصــالــه
صـرنـا نــرى ونشـاهـد اشـيــاء متـنـشـاف
بعض الفضائيات صارت زباله (اكرمكم الله )
أهـل الطـرب سـوو فـي الرقـص الاسـراف
ثـــمْ أدخـلــوا فـــن الـعُــري مـــن خـلالــه
وش لون مانخشى علـى النشـئ ونخـاف
عـلـيـه مـــن غــــزوٍ ثـقـافــي غــــزا. لــــه
نـوقــف هـنــا وإلاّ فـــلا زال فـــي الــقــاف
تفـصـيـل للـمـوضـوع واخـشــى الإطــالــه
البرتقالة
العرض الشجري
