كل ليله وتسألني بنفس السؤال \\\ وكل مره وانا اجاوب بنفس الاجابه
ايه احبك محبه ما عليها جدال \\\\ غير كنز الغلا وش يملكون الغلابه
اارسم لك الصوره بنفس الجمال \\\\ وكيف اوصل لك اللي تطلبه بالكتابه
ايه احبك محبه كثر حب الرمال \\\\ وان وطيت المكان اعشق سماه وترابه
حب ما يعرف التزوير والاحتيال \\\\ كثر صدق المطر لا كلمته السحابه
انت ذنب المحبه والمحبه حلال \\\\ وانت جرح عسى الله ما يضيع ثوابه
وانته الممكن اللي لا بغيته محال \\\ قلت اسلمك قلبي بس اخذته نهابه
يوم حبك لفاني في نهار الوصال \\\\ ياهلا بالوصال وبالغلا مرحبابه
كان عمي عساني ماخلا يابن خال \\\ المهم اني الالحان وانت الربابه
واعذابي لو انك غبت عدة ليال \\\\ كل غالي متى ما غاب يجرح غيابه
علني ما انحرم من جيتك والدلال \\\\ كل ماجيت تزداد المحبه صلابه
قبل اناديك جيت وقبل تسمع تعال \\\ جابك الحب وايام الغلا والصبابه
وشفتني كيف احبك من جنوب وشمال \\\ وشفتني كيف ابادلك الرضا والمهابه
كل ما الشمس تشرق كل طلة هلال \\\\ بيتك الي بنيته وقفتي عند بابه
ليه ما ترحم اللي شال هجرك وشال \\\ طول صدك وماجابه من الدمع جابه
السفير
العرض الشجري
