اهلييييييييييييييين الله يحيني واذا حيا كثر واذا كثر تنثر واذا تنثر بلش الواحد
حياالله الجميع والله قلت ماني ماشارك معكم بشي منقول قلت خل اعطيكم من بعض مواقفي اللي تقطع الوجه
قلت خل اقول مواقفي وخل نفلها ونوسع الصدر مع بعض عاد خبركم محاكيكم مير كل يوم موقف وكل موقف اردى من الثاني
عاد موقفي الي بقوله لكم اليوم جا في العيد اللي فات
وهو وانا جالس بالبيت اطالع التلفزيون وازط من هالشيبس حق بزرانا
اسمع الوالد يناديني فلاااان فلااااان فلااااااااااااااااااااان وصمخ
عاد انا سمعت وصمخ وانا اللي انقز اروح للوالد (خفت توصلني النعله)
واجي لمه وقلت خل اسوي نفسي دبلوماسي اخاف يهاوشني وقلت سم طال عمرك واطبع قبله على راسه
بس ماااااش مافادت الدبلوماسيه هاوشني
وهو يقولي ماتسمعني؟ وانا اقوله الا
قال طيب ليش ماجيت على طول؟ انا بحلت مدري شقول قلت انت خابر الظروف يايبه
قال المهم وانا ابوك شف فلان ينتظرك في المكان الفلاني رح لمه ووده بيت فلانه (فلانه ذي حرمه كبيره بالسن يجون الناس يسلمون عليها )
قلت ابشر طال عمرك
ومادري وش جاني وخلاني اسال ابوي وقلت طيب يبه مع الرجال ذا احدقال ايه معه عمتك زوجته
ابوي يقول عمتك من باب الاحترام لزوجه الرجال وانا خبركم مفهي مسكت برااااااااااسي كلمه عمتك
والا المره ماتقربلي ابدددددددددددددد حتى زوجها يقرب لابوي من بعيييييييد ما دري وش يقربله الظاهر انه ولد عم عمه
المهم شغلت السياره واروح للرجال وفي بالي اسلم عليه وعلى عمتي مادري شجاني نزل علي الوصل فجئه
والا العاده تجي عمتي وتروح ويالله اسلم عليها قبلها تهاوشني تقول وينك يالقاطع
عاد قلت بسوي واصل هالمره باسلم واتحفى بها
عاد وصلت لمكان الرجال ولقيته ينتظرني وانا اسلم عليه ويا هلا ومرحبا وكيفك ومن ذا الرخيص
وهو ماقصر والله يتحفى مادرى اني بخربها بعد شوي
ويمدحني وانا منخق واوزع ابتسامات
ويقول والله من زمان ماشفتك من يومك بالثانوي
عاد انا سويت نفسي مثقف وقلت والله حتى انا منذ مبطي ماشفتك (حاس اللغه العربيه )ابو الشباب اللي هو انا
عادقلت للرجال عمتي معاك بالسياره والرجال يحسبني من باب الاحترام اسميها عمتي مادرى ان المخ مقفل معاااااي
وان بعد من جد مفهي والا انا كان اقول وش يجيب عمتي مع ذا الرجال لكن قاتل الله التفهيه
عاد قال الرجال ايه معي بالسياره قلت اجل بروح اسلم عليها قال تفضل يحسبني ابي اسلم عليها بكلام بس
مادرى اني بدهور الدعوه
عاد واروح وافتح الباب على المره
هبلتها المسكينه
ماكانت منتبهه وانا ماقصرت بعد فتحت الباب بقوه كاني من قوات الطورى جاي بداهم احد
واقول السلام عليكم ياعمه وترد هي وعليكم السلام
وامد يدي وهي مستغربه مامدت يدها بس انا مفهي قلت هلا ياعمه وقربت يدي زياده عادهي استسلمت للامر الواقع وسلمت علي بيدها وانا انزل على راسها واقبلها واحبه مع خدها طبعا وهي متغطيه بالعبايه واحب يدها
مدري وش جاني عمتي بالعاده يالله احب راسها بس مادري وش هالوصل اللي جاني
عاد وانا احبها مع يدهابدت تروح مني التفهيه
ودريت اني جبت العيد عرفت ان ذي مو عمتي ذي توها عمرها موكبير وعمتي حرمه كبيره بالسن
وكان زوجها واقف جنبنا وطايره عيونه فيني ومذهوووووووووووووول شكله يقول وشذا
عاد انا قلت خل انحاش قبل لا يفيق زوجها من صدمته ويشوتني
رحت لسيارتي وقلت ابو فلان الحقني اوريك البيت
واشوى بعد مامشيت بشوي
حرك هو
شكله جلس يهاوش زوجته المسكينه وهي مالها ذنب
ووصلت بيت الحرمه الكبيره بالسن وقلت ماني نازل اخاف يكفخني وعلى قوله المصرين (العمر مش بعزقه)
وقفت وقلت هذا البيت ابو فلان تامرني شي وانا في سيارتي
وهو كان يعطيني نظراااااااااااات كان وده يكفخني شكله
وانا حسيت بكذا وقلت مع السلامه ابو فلان
وهو بلكه ساكت ماقال شي ماقال ولا يعطيك العافيه
عاد رجعت للبيت وعلمت الوالد بالسالفه
وقال ابوي لا جديد ياوليدي قبلك قاطع وجهي ومفشلني
قلت شسوي انت قلت عمتك وانا احسبها عمتي الصدقيه
قال احسبك معك مخ وتعرف السنع لو داري انك بتخربها كذا كان رحت لمه انا بنفسي
عاد هذا موقفي الي يقطع الوجه ولا تشرهون
وعلى العموم ابوي اتصل على الرجال من بكره واعتذر منه واشوى الرجال مازعل
وان شاء الله في المره الجايه بقولكم موقفي وانا توي داخل الجامعه
طبعا موقف يفشل ويقطع الوجه كالعاده
يالله اشوفكم على خير بااااااااااااااااااااااااااااااااااااااااااااااااا اااااااااااااااااايو
اهلييييييييييييييين الله يحيني واذا حيا كثر واذا كثر تنثر واذا تنثر بلش الواحد
كان وده يكفخني شكله 
العرض العادي
