البارحه موق الهوى شقّ صـدره=ينثر علي عوجـه مقاديـر دنيـاه
في ضيق برَّه نَـوّخ رِكـاب فكـره=علَّه يسوق ركابها شوق مضنـاه
سالت ليلي عقـب ثلثيـن عمـره=من قبل فجره يفضح علوم مسراهّ
عن غايبِ قفَّـا والسبـاب عـذره=تاهت دروبي في محاذيف ذكـراه
همسه يقول بصمت شميت عطره=اللي تناثر فـي ثيابـه وممسـاه
وتسافر الظلما علي نـور بـدره=حتي يهيم الصبح في ضوح قمراه
واهداب ِرمشه في غداريك حسره=والوجد في مرفّا شواطيـك خَّـلاه
يالليل يكفي صرت باطراف سكـره=لي صرت صاحي قّيد خطاي ممشاه
يالليل موتي خّمني كـاس خمـره=معذور من سجّ الهوي في حنايـاه
حبيبتي فيها البـرد شـبّْ جمـره=وادلال شعري هيلها البـن قهـواه
مجحود جاك القاف يختال قصـره=الحرف فارس في صناديق مغـزاه
ِكليب وش علمه معا بنـت مـرّه=من خوف هجره يبعد خيام يمنـاه
مسكين قلبِ طاعهـا كـل مـرَه=الليل مايدري العمي وقـت فرقـاه
ياشوق جرحي بالهوي شاخ عمره=بِعيون قيسٍ ناظـر اطـلال ليـلاه
والا سلامه واطعن برمح عصـره=طوَّع كبار القـوم لعيـون عليـاه
العرض الشجري
