،’
ياربّ عفوك ولطفـك ياعزيـز الجـلال
وبدّل لنا ذنوبنـا عفـو ومثوبـه وأجـر
نهـار ماتنفـع الدنيـا وخشـم الريـال
الحاكم اللّي حكـم والتاجـر اللّـي تجـر
يالادمي لا مفـرّ مـن القبـر والسـؤال
مير أزجر النفس عن فعل المعاصي زجر
لا دكُّت الأرض وأمسنّ الرواسـي هيـال
يالله لاتجعـل لنـا علـى جهنّـم مجـر
ومن واقع الوقت وأحداث الزمن والليـال
الصادق اللّي صدق والفاجر اللّـي فجـر
يامكثـر أحلامنـا لكنّهـا مـن خـيـال
وقلوبنا من ورق وعقولنـا مـن حجـر
كنّا على منهج الإسـلام مضـرب مثـال
واليـوم تاريخنـا فينـا مسبـب ضجـر
حتـى النصيحـه ليـا قدّمتهـا للرجـال
كنّك مثل من يبيع التمـر لاهـل هَجَـر
والحال يرثى لها ولا وراء الحـال حـال
دامت صلاة الفجر صرنا نهجرهـا هجـر
وتبـي تعـرف إن واقعنـا ردّي لايـزال
وإن المعاصـي هبايـب والاوادم شجـر
شوف الجماهير لا لعب النصر والهـلال
وشوف المصلّين كم هم في صلاة الفجَر؟!
،’
العرض الشجري
