(( مـال الـمـــرايـا غـيـر الأشـكـــال تــــدويـــن )) !!

[منصور الرويلي]

[poet font="MS Sans Serif,5,white,normal,normal" bkcolor="transparent" bkimage="http://www.osrty.com/cards/images/uploaded/2003-10-23-001753.jpg" border="outset,10,white" type=2 line=200% align=center use=ex length=0 char="" num="0,black" filter=" shadow(color=black,direction=45) glow(color=black,strength=2)"]
ياالشامخ اللي بوجه الأيام مالنت ؟!

ياصاحبي .. اسألك باللي به آمنت ؟ = حلمك وش اللي حال بينه وبينك ؟
لاهنت ياللي تشتكي منك .. لاهنت = تشكي (بصمت) .. ولا تبين ونينك !!
ياالشامخ اللي بوجه الايام مالنت = ولا حنت سود الليالي جبينك
سجنت همك .. لين في همك أسجنت = حتى غدا (سجان همك) سجينك
عزالله اللي جابتك (ياولد) بنت = لاشك عيّن يسعفنك سنينك
ياأعـز .. وأوفى من له الشعر هيجنت = هذي طعوني ماتوازي حنينك !!
قل (( للعذول )) أني على عـز برهنت = عثرة سنينه .. وأنتبه لا تدينك ؟
قله تراك أبدعت وأحسنت وأتقنت ؟ = تمثيل دور أحقـر طـهارة يـديـنـك
هانت عليك العشره اللي بها (منت) = والله على تصغيّر نفسك يعينك !!
أنا عزاي أني معك جيت .. ولا أنت ؟ = لا وأهنيك ماجفا النوم عينك
ياظلنا اللي يطعن أظـلالنا .. هـنـت = الشمس بانت .. جأوب الصبح وينك ؟!
___________

(( سبع الوصايا بصدري قبر غايبها ))

واللي جـعـل (( أمـي )) .. محـبـة خـوآلي = جدي أبوها وأبوي أطيب قرايبها
اليا أنتخى بأسمها (ياصاحبي) خالي ؟ = شابت عـيون المصايب من مصايبها
((فقيدها اللي بقبره وكنه أقبالي)) = له هقـوةٍ بي .. عـسى الله مايخيبها
علمي به يقول : (( بـعـدي أنـت أبـوعـيالي )) = علمك يجيني لو أني في ترايبها
مـيـقـن بأنـك رجـل .. لا مايــورالي = منك المنايا تهاب ولاأنت هايبها
لاضاقت فجوج الـدهـر .. والليالي = حرٍ جدوده ماغير الطيب عايبها !!
والله (ياسلطان) لـولا اللي على بالي = لاأطا على الموت وأعانق صعايبها
مير البلا ((يالسنافي)) ماني لحالي = سبع الوصايا بصدري قبر غايبها
بكره .. أذا الموت ((فال الله .. ولا فالي)) = من يقنع عيون ماشافت حبايبها
أصدق من أعـداي سـود أوجـيـّه عـذالي = أن قلت ماأخـطـيتها .. ماقـلـت صايبها
(( وياجرحي اللي لقيتك تسرج أظلالي )) = فعايل عداي ورتني غرايبها
لقيت دربي طويل وطال ترحالي = واللي حصل في حياتي من سبايبها
أمشي ورمشي بدمع الهم يبرالي = حتى غدا نزف شعري من ضرايبها
شيبّـت قلبي وعقلي شيـّب أهـبالي = والروح تنزف وفا في كف صايبها
وياويل حالي علّي .. وياشقا حالي ؟ = لاصار أصغر جروحي كبر شايبها

___________

(( زحــمــة أمـــوات حــيــيـن )) ؟!

مابي حضور وللغلا مابي عناد = مابي وعـود .. ولا سوالف مجانين !!
قلت ( الهجا ) ماهو هجا ( لعبة أعداد ) = شد المدى وأرخه على العسر واللين
عام وسنه والكون هجري وميلاد = الوقت فوضى وزحمة أموات حيين !!
الخارطه والأرض .. خانات وأمجاد = والبعـد يقرب بالحجج والبراهين
ماتوا بها الأجداد وأن عاشوا أحفاد = بين الرجا واليأس والغبن والبين
لـيـت الأماني حـقـقـت كل ميعـاد = مثل النفس والنبض بين الشرايين
مال الغلا غير الغلا قــْربه وزاد = ومال المرايا غير الأشكال تدوين !!
ماكل ( كل ) يساوي أهـداف وأبعاد = وماكل ( كم ) يراود النفس والعين
والله لو أغرق وأعطش أصفار وأعداد = وأصير أعمى البوصله والمحبين ؟!
لاحلم لاقسمه ولاحزن وحـداد = والشعر معنى والاماني ملايين
هـجـن الحـياه وخـيلها .. أضـعـاف وشـداد = الموت راعي والعمر (قاب قوسين)
على المشبّه والمسمى للاجـداد = لاصيت .. لاشهره .. ولاناس غالين !!
واللي لهم في خاطري كسر وأقياد = غابوا شهر .. ولابعـد غابوا سنين
معي لهم بين المواسم والاعياد = يولد غلاهم ويتكــّـاثـر مظامين
هـذا قليل .. وللوفا جيت منقاد = ياكثر عـشاقي وقُـّل القريـبـيـن !!

أخوكم .. منصور الرويلي
[/poet]