(( سعــد و مات .. آه ما أتفه هالحياة ))

[.:: الماضي ::.]

.


{ يا أيتها النفس المطمئنه أرجعي إلى ربك راضية مرضيه }

(( سعـــــــــد ))

يرقصون ..
و تعلى زغاريد الفرح ..
و ما دروا أن آخره ..
حزن .. و جرح ..
و هو نايم ..
" يا حلو غفوة عيونه .."
ما درى عن شي ..
ما درى بأن الوداع أقرب ..
من حضن حي ..
و من أبـو .. عاف النهار ..
و ينتظر شي ..!!
شي من روحه ..
شي .. و ربي ما هو بـ شي ..
//
\\
//
\\

طفل ما هو طبيعي ..
مختلف ..
و ماله شبيه ..
ما أكتمل عمره تسعة شهور ..
إلا بلحظة وفاته ..
و بعدها .. غمض عيونه ..!!
و عوّد ينام ..
للأبد ..
بس هالمرة .. بإبتسامه ..
يوم أشوفه .. بالكفن ..
كأنه يقول لي ..
" مع السلامه "
و أبتسمت ..
و رضيت ..
و قلت أيه ..
" يالله السلامه "
//
\\
//
\\

أنت راحل ..
و أنا باقي ..
في حياة تافهه ..
ما لنا منها .. إلا الذنوب ..
و عبد مؤمن .. وده يتوب ..
يالله .. حسن الخاتمه ..
و أنت يا " سعــــد " ..
هناك ..
طير في الجنه ..
هذا وعد ربي لي ..
تبقى شفيع ..
و ما تضيع ..
وداعة الله ..
..
..
..

بس تدري يا " سعــــد " ..
هالبشر و الله مساكين ..
تصدق .. يعزوني فيك ..!!
و أنا أرد لهم العزاء ..
و بداخلي أتمت و أقول ::.
" هنأوني ..
هو شفيع لي يوم القيامه ..
هذا من رضاء ربي علّي ..
وش أكثر من هذا رضاء ..
الله يحفظك بس .. ليّ ..!! "
رغم حزني ..
و موت إحساسي ..
إلا أني تمنيتك معي ..
مدري ليه احتاجك ..
و مدري هو أنت كنت تحس بي ..؟؟
يا ولدي ..
//
\\
//
\\

يا ولدي ..
أعذرني لو ما بكيت ..
لأن مابه شي ..
يحتوي الحزن بشعوري ..
و حتى ضعفي ..
و إنكساري ..
ماهو بشي ..
ماهو بشي ..!!
..
..
..



الجمـعـه
19 نوفمبر 2004 م