على المنهج على معنى حروف الحب ومراده
على رسم الخيال وطيف حلمٍ حرك شراعه
تحديت الزمان وعشت ضلم الليل وعناده
تحديت الهموم وكل جرح كثرت اوجاعه
تخطيت المسافه وش يكون البحر وبعاده
تخطيت الدهر وسنين عمرٍ كنها ساعه
تملكت الحروف وعاد حرف الحزن بامجاده
يقلب صفحة الذكرى وارد الحرف لاتباعه
واصور حضي بطفل توفى يوم ميلاده
حسافه مالقى عمره سنين العمر خداعه
وصفته يوم جا حضي بشي غير ماعتاده
عطاني من خيالي هم وتحيرت باطماعه
تمنيت الخيال يجود باللي طول بعاده
وليت انه على امري يقول السمع والطاعه
ياليت انه تمثل لي وجهز باقي اعتاده
واحط القلب يسكن به وجفن العين مرباعه
واقول آمر امر والد على واحد من اولاده
انا لك دام قلبك مانسى اني عنده وداعه
انا لك جرح لمه اوتجاهل واجرح زياده
نعم واسال غرامك ليه يلبس عني قناعه
يذوب الثلج من حر يجيه ويدفي براده
وذا الانسان اصله طين هو ساسه ومرجاعه
العرض الشجري
