قصتي مع خويتي في مجمع الراشد ( لا يفوتكم)

[محتاج حب وحنان]

مرتن من المرارير كنت طفشان ومقفله معاي في سكن الجامعه, رحت لصويلح قلت خل ابشك (اجلس) عنده شوي وواسع صدري.

دقيت الباب حق غرفته

رد صويلح: من الطارق << حلووه من الطارق

قلتله عكرمه ياثور, افتح بسرعه لالعن خيرك

فتح صويلح الباب, الا ريحت الجيفنشي التقليد تعطعط, وشماغ ريموند لاعب لعبته
وذاك الثوب الابيض اللي يلق لق, وفي جيبه قلم فضي زارفه ( سارقه) من محلات ابو ريالين


قلتله اخس ياصويلح, والله منت بهين, اثريك اذا كشخت كشخت

رد صويلح, اووووه ماشفت شي, هذا وانا تو مالبست الجزمه الصفرا حقتي << والله من الذوق المخنز


طيب ياصويلح وين رايح, من وين جاي

قال: ابشرك مديت ( مواعد خويته), وتدري مادامك جيت خل اخذك معاي, وانا راح اكلمها تجيب معاها صديقتها


بصراحه انا الفار بدا يلعب في عبي, وماتوقعت ان صويلح الدلخ يمديه يشبك بنت.

قلتله اوكيه حبيبي صويلح ابجي معاك, بس وين بنقابلهم


قال, مايبيلها, في مجمع الراشد


قلت حلو, بس بشرط, اذا وصلنا كل واحد ياخذ خويته ويبعد عن الثاني << اعرفه يفشل واسلوبه ماينشرى بر يال


قال, طيب


ركبنا الرولز رايز حقت صويلح ورحنا للراشد << اي والله قويه


دخلنا الراشد, وقمنا ندور البنات, وكل ماشفنا ثنتين يمشون مع بعض قلنا هذولا هم



المهم جلسنا تقريبا 40 دقيقه على هالحال


في الاخير قفلت معاي وقلت صويلح والله ماعندك ماعند جدتي


شكلها سحبت عليك



قال اما تسحب علي, كثر لي منها بس


والله لا تنق بطايق الشحن حقتي بطاقه ورا بطاقه


قلتله انت شاحنلها, قال اجل وش رايك

لا ومعطيها بطاقه ثانية لخويتها اللي بتجي معها


طبعا انا طالعت في وجه صويلح اللي كنه قوطي لبن ابو ريال وقلتله صويلح خلني ادق عليها من جوالي هي ماتعرف رقمي



اخذت الرقم ودقيته, الا ذاك الشنب اللي صوته كنه شكمان مخروق


قلتله تعرف واحد اسمه صويلح

قال لا مااعرفه , مين معاي


قلت طيب من متى وانت مطلع الرقم


قال منذ مبطي



قلت طيب تجيني ازعاجات من وحده من نفس الرقم حقك


قال والله غلطان يابوي



قلت اقول يالوصخ, بطايق صويلح اللي ارسلها لك ترجع بطاقه بطاقه


قال اووووووووه قصدك رامي




هههههههههههه

اصلن انا من اول داري ان ذا الاسلوب مايطلع من واحد اسمه رامي


سلملي على صويلح حقك وقله يعيش وياكل غيرها


المهم انا مامداني اتكلم الا وقفل الخط بوجهي



ناظرت صويلح وقلتله رامي هاه

اصلن انا داري من اول انك منت كفوا بنات


انت فلبينيه شغاله في مستشفى المانع وتخب عليك



واخذت صويلح المسكين ورجعنا للجامعه ونحن نجر اذيال الهزيمه!!!