مساء الخير...............
جاك الوفا وجيتي تقولين خوان=ذاك الوفا ياكيف اصبح خيانه؟
وجاك الغلا وياليت في ناظرك بان=هاك الغلا لاشك ماهو بمكانه!
باعوك ياقلبي وترا هرجهم كان=(كذاب)(خاين) وش بتبقى عشانه؟
عطيتهم حبك وجازوك نكران=قم خاوني ياقلب خله وشانه!
عقب الوفا نهديه صد(ن) وحقران=وعقب الغلا والحب نبدا اللعانه!
خله يشوف الذل اشكال والوان=خله يعرف شلون نفسه جبانه!
لابوه لابو الحب لابو الذي صان=لابو الوله والشوق لابو زمانه!
وانا ابخصك ياقلب صقر(ن) وشيهان=تموت ماترضى تجينا إهانه!
لاهنت ياقلبي ولا صاحبك هان=والذيب مايجزع لو الوقت خانه!
وسلامتكم
عزتي راس مالي
العرض الشجري
