بسم الله الرحمن الرحيم
والسلام عليكم ورحمة الله وبركاته
قصيده لا تحتمل المقدمات .؟
لمقام سيدي صاحب السمو الملكي الأمير سلمان بن عبدالعزيز آل سعود
أمير منطقة الرياض حفظه الله ورعاه
((( يــابو فـــهد )))
يابو فهد جيتك غلا جيتك وفا مع عاطفه = جيتك محبه وأنتماء ويخالطه خوفك علي
يشدني صوبك سلام والقلب مني خاطفه = مالك ترى ذنب وخطا لا قلت لك أنك هلي
أبوي أو عم ٍ يصون تزهاك كل السالفه = تكفى تحقق ماطلبت* لأجل يتحطم بي زعلي
والمشكله ياسيدي حالي أظنك عارفه = مالي سوى رب العباد شفيعي وأيضا لي ولي
من بعد عينك ياغلاي دربي تجيه العاصفه = وأصبح بلا حلم وأمل وعجاجها ما ينجلي
يابوفهد قلبك كبير ويمناك مبطي غارفه = من نبع جودك صّبها يمنى الشجاع المعتلي
يابوفهد لا تتركه وسط السيول الجارفه = هذا تعنى لخاطرك وفي حبك أصبح مبتلي
يابوفهد أنت الرجاءوأنت العوض بالتالفه = صارت حياتي كلها بلوه وفيها زلزلي
شهادتي صارت غثى والكون كله قارفه = من بعد ماكنت أنتظر محصولها يقبل علي
تهدمت كل السنين وصارت بعيني هايفه = من بعد ماكنت أفتخر عند الجماعه مع هلي
من يوم سن السادسه وأنا نجاحي عاسفه = أركض ليا اخذت الورق ممتاز الأول منزلي
وأبشّر أمـــي بالنجاح وتستبشر وهي خايفه = من أول سنين المدرسه وأنا التفوق معزلي
سنه ورى سنين وغديت بآخر سنين النايفه = وخلصت سن الجامعه وفرحـتّها وغنو هلي
ولاعادها الله ماجرى يوم السعاده واقفه = صارت حياتي مندبه والنار تصلاني صلي
أربع سنين وحالتي بين الوعود الزايفه = على الأمل أكذب وأقول بكرا نحليها بحلي
الين ربك هو هداه ولدربكم هو حارفه = درب ٍ محطم للنكد وهو لعذابي مقتلي
هذا طريقك يادفاي بصدقي تراني واصفه = يابوفهد يا عزوتي ...ياآخري ......ياآولي
من هو عرفكم مايتوه وأطباعكم متوالفه = أنشهد أنك مغنمي ومكسب لقلب ٍ مبتلي
في حب والد فاقده وأنا الصغير وشايفه = أقفى وخلاني أعيش يتيم حزني ينتلي
يعني بصراحه من هواك والنفس جدا ً حالفه = أنك تذكرني بغلاه وحسه وخوفه هو علي
طال القصيد وليتها داوت جروح ٍ نازفه = معاك يا أول غلا يابوي وأيضا ياهلي
وأرجع أقول ياسيدي جيتك غلا مع عاطفه = جيتك محبه وأنتماء في قلبي أنت المختلي
________
ملوحظه :
قصيده تعبرعن صدق مشاعر شاعرها المتمثل بشخصي وربما هناك من يشابه هذه المرحله
ولقد تم توجيها لسيدي ليس لغرض الهم والتوجع بل للنظر الجاد من قبله في ماقد تم تقديمه
عليه بالماضي القريب من مطلبي الوحيد .
وهذه الملحوظه للتذكير والله ولي المسلمين
العرض العادي
