أحبك ..
وأحب فيك إصرارك
وعنادك
وصدودك
***
وأحب فيك غيابك ووجودك .
***
وأحب فيك لما تكلمني .. تهمّش مراسم حدودك .
***
وأحب أسمك
وأحب رسمك
وأحب همسك
وأحب يومك وأحب أمسك
وأحب نارك وبرودك .
***
وأحب كلك .. وأحب بعضك
وأحب أرضك .. وأحب بخلك بعرضك
وأحب جودك .
***
وأحب دينك .. وأحب زينك
وأحب حرصك على وعودك
***
وأحب أهلك .. وأحب أصلك .. وأحب فصلك
وأحب سيرة جدودك
***
وأحبك وأحب كل شي يذكرني بنقا قلبك
وأحب لينك .. وجمودك
***
وأحب صوتك .. أموت وأحيا على صوتك ..
ونبراتك وعبراتك .. ونظراتك .. وضحكاتك
وفعايلها في صفحة خدودك
***
وأحب طيفك .. وأحب كيفك .. وأحب صيفك
وأحب عدلك وأحب حيفك ..
وأحب عطرك .. وأزاهيرك .. وورودك
***
أحبك يابعد عمري .. وأحب أسمع سواليفك ..
وترسل لي صادق ردودك !
العرض العادي
