قصيده .. دمعي على خدي ..

[حزن القصـــــيد]

اشووف انا تالي زماني تردى=اتابع الحسرات وابدي همومي
هنيت من دّنى رحوله وشدى=وحط الرحال وحط دونه حزومي
فات النهار وجاه ليل وتعدى=وانا تراودني كثير الحلومي
ودمعي على خدي من العين هدّى=تقل شعيبٍ بإنحداره يزومي
وكيف العرق غطى جبيني وندى= من كلمتٍ جتني ولا لهلزومي
ودمعي جرى مني وبلّ المخدى=وانا بقلبي مثل حرّ السمومي
خطو الولد لامن نخيته يسدّى=وخطو الولد مخيول فوقه هدوومي
يا عيال انا صبري فضاني وعدّى=واشكي همومي للذي له نصومي

اتمنى تكون مفهومه لانها نبطيه بقوه هههه
عالعموم حبيت اسمعك الجديد وانشالله ينال اعجابكم
اخوكم .... حزن القصيـــــــــــــــيد .