دق المنبه واذن الله واكبر=واديّت فرضي وعقبها قلت الاذكار
ودقيت سلف الجيب اتناه يحتر=جيبٍ جديد طراز والنوع فكسار
والطير جنبك وافيٍ حرٍاشقر=ناوي فياضٍ نبتها شيح وازهار
زين الفياض وشبة الضو بالبر=والدله الصفرا على واهج النار
وابو خليل بعالي الصوت يسمر=صوته يداوي علتي ياهل الدار
مع شقة الضو والظلام امتيّسر=فرعت الاشقر لجل يلفت بالانظار
ثم انتفض عقب انتهض صار ينطر=شوف الحباري مخمره اوهي طيار
واومى براسه ثم جزع نيته شر=ثمن رقا لين راتفع عنه بامتار
والخرب حدره اختبص ثم صدّر=ثم صك جنحانه وعلى صيدته ثار
ومن قو كفه ضربته ما تكرّر=والشاهد الله طشر الريش طشار
وسلامتكم .. وابو خليل المذكور بالقصيد ولد عمن لي وصوته
ليا جر السامري والهجيني يطربني وهو كان معي بهذاك الوقت
وسلامتكم ... اخوكم حزن القيصيد.
العرض الشجري
