السلام عليكم وصباح الخير للي عنده صبح ومساء الخير لاهل المساء بصراحه ياجماعه انا لفت انتباهي امر لاحظت انه يتكرر كل يوم خميس وبصراحه استغربت ليه بالذات هالموضوع يصير بالويك اند هل هم متعمدين انه يصير وبهالشكل هذا يوم طلعات الناس هل هم ودهم انهم يطفشون العالم ومايبونهم يطلعون من بيوتهم طبعا انتم اكيد عرفتوا من اقصد <<<<< الاخ هذا يقصد الشرطة الله يحفظهم ياجماعه انا الخميس الماضي طلعنا للكورنيش ( انا من سكان الشرقيه ) وانواع التفاتيش وانواع المخالفات وانواع تسبيب الزحمه للعالم بصراحه لولا الحياء كانت خذيت الكاميرا وصورة الوجيه الي بالسيارات حولي جميع تعابير وجوه الناس اللي بالسيارات تعابير استياء ( راعي سيارة جنبي قام يطق وراعينه !!! المهم نرجع لمحور حديثنا اللي بصراحه يخلي الواحد يزعل من الشرطه ليه اذا جاء الويك اند شددتوا على البشريه وقمتو تحطون في كل شارع تفتيش !!!! هل هو حب في التطفيش ولا هو من القهر ان الظابط مستلم يوم خميس ويبي يحط حرته بالناس !! <<<<<< طلعوا من الكورنيش بعد ماصكوه بكم مخالفه !!!! وقلنا في اجتماع السيارة المغلق ودنا نغير الوجه وودنا نزور خوينا بالجبيل يقولون كورنيش الجبيل الصناعية روعة وفيه نت واير لس ومجاني رحنا للجبيل وبالطريق انواع الرادارات وانواع التفتيش ياجماعه من طلعنا من الخبر وقفنا عند 3 تفاتيش وكل تفتيش تلقى الناس على بعد 2 كيلو !!!!! لا واللي يزيد الطين بله الباصات حقت حملة يكفي مصفطه وتشيل من العالم ماوصلنا الجبيل الا بعد طلعت الروح وبعد جهد جهيد لازم كل اللي معاك يطلعون بطاقاتهم ويطلعون اثباتاتهم لا وبعض الاحيان يقول وين انت رايح !!! وافتح الشنطه الله لايهينك <<<<< شكله مو شبهه للدرجه ذي عاد وليش التأمين ماامنته وليش صورتك بالرخصه ماتضحك فيها وليش اخترت السيارة ذي وليش وليش وليش الخ الخ الخ السؤال اللي فاقعن مرارتي ومحيرني !!! س: هل هالتضييق على العالم مقصود !!! ولا حنا مانستاهل نطلع ونتمشى ؟؟؟؟ ولا وش القصة بالضبط !!! ياجماعه انا ادري فيه اخوان راح يقولون انه ذا كله لصالح المواطن وانا اقول ادري وعساهم على القوه بس مو بالشكل الرهيب هذا يعني ليش الخميس من بد هالايام اللي يحز بالخاطر انك اذا رحة لاحدى الدول المجاورة في نفس اليوم ( البحرين ولا الكويت ولا قطر ) ماتحصل هالدربكه اللي قاعده تصير عندك عندهم !!!!!!! لا مجال السياحه عندنا يقول حياكم في بلدكم !!!! اتمنى ان ايام العطل تخف التفاتيش الا للضرورة القصوى يعني يقدرون انهم يستغنون عن التفاتيش ومضايقة البشر بالمرور السري على الاقل ويحطون كاميرات اريحلهم واريح لنا ( اتمنى انكم فهمتو اللي اقصده ) ولكم تحياتي
بصراحة من وجهة نظري ان الشرطة قصدها الخير لأن مثل ماأنت تعرف الزحمة تزيد في نهاية الاسبوع فلازم يحاولون أنهم يضبطون الزحمة هذي ولاتنسى أنهم مأمورين من اللي أعلى منهم يعني هم ينفذون طبعا ماانكر ان في أخطاء يسوونها بس نفعهم أكثر من ضررهم والله يعين وعلى فكرة فكرة أنهم يحطون كاميرات فكرة حلوة وجهة نظر أختك ليـــــــــــــان
هلا اخوي بصراحه سديت نفسي عن الشرقيه بطلت ماابي ارووح هههههههههههههه والله وانا اخوك حتى بالمدينه وجده وبكل مكاان التفاتيش على كيف كيفك ودايم اخذ شهادة شكر صفرااء من المرور <<<< ثقيله عليه كلمة قسيمه بس والله عااادي تدري ليش ؟؟ اقول لك ليش لانه بالويك اند يطلعوون ناااس همممممجج سلامة الطيبين يمسكون السيارات وتفحيط وازعاج للعالم يعني قبل كم اسبوع طلعت اهلي لمخطط هو الوحيد الي يجي منه بالمدينه <<<<<<<<< كورنيش اسفلتي المهم... والله ماقدرتنا نجلس ساعه وحده من التفحيط ورجة الشباب الفاااضي وماتحلالهم الفرفره الا بالويك اند وعشان رخص البنزين اشتغلوا العالم وطلعت سيارات كانت مخزنه من ايام الثمانيانات لكن التفاتيش لازم منها عشان تفك العالم من الهمج وبالنسبة للشرقيه بعد الاحداث الي صارت قبل كذا شيء طبيعي يكون فيه شغل امني تفيشي يالله شكلي طولت عليك تحياتي
<<<<< الاخ هذا يقصد الشرطة الله يحفظهم
<<<<<< طلعوا من الكورنيش بعد ماصكوه بكم مخالفه !!!!
العرض العادي
