مساكم شعر... الى من قرأني من قبل.. والى من سيأقرأني
اخصكم بهذه الجديده التي لم تنشر ... واشكر القائمين على هذا المنتدى
وقد ساقتني الصدفه الى هذا المنتدى واعجبني التواجد والاعضاء والمواضيع.
ليلة تمادى الوصل واعلن حضورك=جيتك سلاحي خوف والشوق ثاير
كانت عيوني ليل تحتاج نورك=ماكنها من قبل تفرح بزاير
كنت انتظر والفكر شارد يزورك=يرسمك ويسوق الفرح والبشاير
جيتي وثارت عاصفه من عطورك=واجتاحت انفاسي وفاحت عباير
برد اللقا دفاه ريحة بخورك=صمت المكان احياه بوح السراير
مديت عيني لين واجهت سورك=رجعت سهم الحب في العين غاير
حاولت تسكن نظرتي في قصورك= خجلت ماكني من اقوى العشاير
في وجنتك تنبت حدايق زهورك=من سلهمة عينك تطيح البصاير
في مبسمك تنشد وتصدح طيورك= باحلى الكلام اللي يريح الضماير
الشعر لامن ثار يروي غرورك= ولا من هدا في المتن يغري الضفاير
اتعب اذا ابقرى ملامح سطورك=من غزر زينك وش بقى للحراير
ياسيدة هذا المسا في مرورك= على رواق القلب شلتي ( مراير)
عزاي في ضيقي هبايب سرورك= تشيل عني الحمل لوكان جاير
ليلة تمادى الوصل واعلن حضورك = جيتك سلاحي خوف والشوق ثاير
عبدالله بن حمد( الطائف احلى)
العرض الشجري
