لاتهمـك هالطعـون ولايهمـك هالضيـاع=العذاب الحـان منـك استمعهـا وانطـرب
من شفاتك كل كلمه وردةٍ ورضـاي قـاع=تنبت ورود الكلام وفي ضميـري تنتصـب
ولو تجودين بجراحي شلتها حمـل ومتـاع=ليـن تحتـال الليالـي والبعيـده تقتـرب
اشعر اني في غيابك مركبٍ مالـه شـراع=واشعر اني في وجـودك جملـةٍ ماتنعـرب
ياغناتي والمحبـه ليـل وهمـوم وخـداع=وانا شعوري صادقٍ ماهو بحكـيٍ ينكـذب
لو تغير لي سنيني في صفاتـك هالطبـاع=كان عطرك سال بأرضي والسوالف تنشرب
علميني والسؤال أقسى علي مـن الضيـاع=الضمير اللي يحبك كيف عنـدك ينحسـب
لو قضى عمره عشانك ينتظر لحظـة وداع=وانتي اللي مابذلتـي شـي واحـد ينطلـب
ياغناتي طال بعدك والعيون أكبـر جيـاع=ان كان ودك ترجعين انا عيونـي ترتقـب
وان كان ماودك تجين لايهمـك هالضيـاع=العذاب الحـان منـك استمعهـا وانطـرب
خفاياا ،،
العرض الشجري
