أتعبت قلبي لين شفت البلاوي

[معدي المراقيب]

	ياللي على قلبي حكيم ن وسلطان = أتعبت قلبي لين شفت البلاوي هذي ثلاث سنين ماكني أنسان = قضيتها لجلك حزين وشقاوي وبعت الكرامه أعتذر وأنت غلطان = وأخلفت في رجواي كل الهقاوي ياماتحملتك شفوق ن وشفقان = متى على الله تلتفت لي وتاوي قصرت في حقي وشفتك ولابان = جرحتني جرح ن بليا مداوي كم كنت أنا أحبك وكم كنت ولهان = واليوم أنا يازين ماعدت قاوي قلبي تعذب وأنتهى وقت الاحزان= والا انت ماتدري على ويش ناوي أن كنت خاين لازم أكون خوان = لاعاد تعطف ولاعاد تاوي حرام مرجع لك ولوكان ماكان = وعسى الشقا من بيننا بالتساوي