السلام عليكم ورحمة الله وبركاته
اهدي لكم هذي الابيات واتمنى ان تحوز على رضاكم
إعرف صديقك وإحذره ألف مـره
وإحذر عدوك لا يحصّـل مداخيـل
ترى الكلام اللـي يسبـب مضـره
يفرح به اللي ينقل القـال والقيـل
ما كل مـن تجزيـه يكفيـك شـره
بعض الصداقه ما وراها محاصيـل
تـراه مـا يسقـيـك مثـقـال ذره
بعض الرجال أزوال ما هم رجاجيل
الحاجه اللي في يـد الغيـر مـرّه
يا شينها لو هي تجـي بالتساهيـل
كـم واحـداً ظنّـه بغيـره يغّـره
غـرّه حسابـه بالليالـي المقابيـل
ما فيهم اللـي فـي محلـه يمـرّه
يرميـه وقتـه للقلـوب المغاليـل
غـروه نـاسٍ بالقسـأ مـا تسـرّه
يـوم النتايـج طلّعتهـا التحالـيـل
جلدٍ مهو جلدك على الشوك جـره
وعزي لمن يرضى على نفسه الميل
الله هـو المعبـود والنفـس حـره
واللي يضيع الصبح لا يسري الليل
الشاعر
محمد البراهيم ( الوافي )
انشاء الله تعجبكم وهذا الشعر منقول وعجبني وحبيت تشاركوني بقراءة هاالابيـات
تحياتي لكم رهمـــومه
العرض الشجري
