الحر لاهد صيده بألجناح يعميه= ينثر ألريش ويشلع بمنقار ومخلاب
مير المصيبه صيد تخمه الكف وتخطيه=وأحلى مافي الصيد طرده ولتعاب
في سفح الجبل وشعبه ووداديه=وفي النفود وفي تلال جرد مابها تراب
في اليوم المطير والروض العشب كاسيه= وسطه الخيمه على إرواق وطناب
لأظلم الليل السمر ما نطفيه=مع عيال العم والخال وأخوان واصحاب
رجال شيمه كل واحد دمه عن خويه=ما يلهيهم السمر عن ذكر رب لرباب
ومن طلوع الشمس الي قبل المغربيه=بين الرياض الخضر والضؤ شباب
ياترى وش الي يكدر ذيك العشيه=ثلاثه أيام فيها إرتاح خاطري طاب
لي مع ربع عزيزين روحه وجيه=بس طرى على قلبي طارئ هز لحداب
توقف النفس بضعة ثواني سويه=ويش العذر لي من طويلين لشناب
وانا خافقي تجمح به ونه عصيه=ما عادلي مجلاس ولا عن الدار مجناب
يجمح خفوقي جمح خيل بارض سويه=يالله تهيئ المرجاع بكل لسباب
معاليق قلبي يهزه حب إبدويه=أرتاح باول الليل لين نور القمر غاب
أسامره فيه سمات معسول الشفيه=ولاغاب القمر حظر من الهم ماغاب
وتشتت أفكاري العيون النرجسيه=دق سلف الجيب وسربعدإذن لصحاب
شوفت العين للعين تشفي نفس شقيه=ويكف جرح خضب الروح خضاب
يبرى لامن لامست يده يديه=والجرح موجود بس أحسه مندمل وطاب
العرض العادي
