السلام عليكم
اولا يعطيكم الف عافيه
ثانيا طالبه منكم طلب واتمنى ماتردوني
بقولكم سالفتي من البدايه علشان تعرفون تردون علي
من فتره جاني شخص يبي فلان انا قلت له ماعندنا شخص اسمه فلان قال كيف ماعندكم واحد اسمه فلان قلت والله يمكن انت غلطان تبيني اساعدك قال لا ماقصرتي والجرال كان متوتر وانا كنت متوتره اكثر منه المهم الشخص راح وبعد كم ساعه جاني الفلان اللي كان يسال عنه الشخص وعطاني ورقه وطلع كاتب لي فيها شعر وعلى فكره الشخص جاي زياره عندنا يعني هو من دوله خليجيه
والحين ابغي ارد عليه بكم شطر اتمنى تساعدوني الله يرحم والديكم
هذي قصيدته
يابشر أو على ظني ملاك = أو ملاك على هيئه بشر
يوم وقفت لحظاتٍ معاك = قلت هذي من أيام العمر
شوفتك سببت لي ارتباك = وقمت أطول وأدور لي عذر
قلت : ياللي تباها في حلاك = توني اليوم جيت من السفر
وأسالك عن رفيقٍ في حماك = والبلا لاجواب ولا خبر
التواضع يبين مستواك = مع كلامٍ شبيهٍ بالدرر
جيت عجلٍ ومن سبه لقاك = خايف إني أطول في قطر
والله ماشفت مخلوقٍ سواك = والنهاية تورينا العبر
اتمنى احصل رد باسرع وقت واتمنى في القصيده ابين له انه بالغ في وصفه لي وابي ارحب فيه في قطر وابي اشكره على القصيده .
ياريت حد يساعدني
العرض الشجري
