اتمنى ان ترتقي اللى شموخكم
الضـو والدلـه وشـوف الفيـافـي=وبيت الشعر والغيم مع نجمه اسهيـل
احـس لجتمعـت بوسـط الخوافـي=ان القريحه وضعهـا وضـع تشغيـل
تاتـي طواريقـي تـتـل القـوافـي=تفوح في راسي كمـا فوحـه الهيـل
اصبهـا مثـل السيـوف الرهـافـي=اشوش في روض الفكر واسرج الخيل
ياشعـب طـروادا وفكتـر عوافـي=جزل الشعر فكتر وانا كني اخيـل(1)
اسحب جزيل الشعر ماسحب هوافـي=وارجع واصففهـا سـوات الفناجيـل
صفة سنافـي عنـد ضـو السنافـي=ضون توقـى مـن سناهـا حلاحيـل
اشبح سنى ضوي واشـوف النحافـي=بـلا سناهـا والجمـر والمعامـيـل
ارمي اعقالي حتى اشـوف اكتشافـي=وترمي غطاها ام العيـون المظاليـل
لبى المعنـق واسـود الليـل ظافي=براس اللذي نوره قهـر باقـي اليـل
اضـف بشتـي واتلحـف الحـافـي=خوفـي يشوفنـه عيـون الرياجيـل
غرون سلب عقلـي ولا قـال كافـي=لـوي بعيـد الـدار مافارقـت ميـل
ياضـو صـدري ماتفيـد المطـافـي=ولا يفيـد النيـل لـو اشـرب النيـل
ياراعـي الطيـف الـذي مايشـافـي=بـلا اطيوفـك تلتهـب بالنواحـيـل
متى تجـي ويصيـر لطيـف كافـي=وانعـم بحسـك واستمـع للخلاخيـل
حتـى بخيالـي كـل ماجيـت لافـي=كني ملكـت النفـط برميـل برميـل
متى يجـي وضـع اليـال اختلافـي=واشعل انـا ويـاك شمعـه وقنديـل
متـى علـى الله يالسنيـن العجافـي=اليا متى ياوقت وانتـه علـى الميـل
خذيت فـي فـن الطعـون احترافـي=وسالت اجروحـي وامتلـن المناديـل
ياوقتـي انسـى سالفـة انعسـافـي=وانته علـي تصـول وتحـز وتعيـل
انتـه تهددنـي علـى اخـر مطافـي=وانـا بغنيـلـك حيـاتـي تساهـيـل
لوك تمشينـي علـى الارض حافـي=الـرازق الله والـفـرج فالمقابـيـل
وسلامت قلوبكم (حقان العجمي)
(1)شعب طروادا = قبيله اجنبيه كانت لها قوه
فكتر = فارس واشجع الطروادين
اخيل = فارس ضد اطراودين وقتل فكتر وسحبه لجماعته ميتا
من الفلم العالمي المشهور (TRoy)
العرض الشجري
