من ثمااار المجاارياات بيني وبين الأخ العزيز / شاااعر الدرر ...
وكا العااده لم أفعل شيئاً ، سوى وضع الأبيات خلف بعضهاا ..
تقبلوهاا ‘‘‘
مع أعذب التحايا لكم منّي ومن أخي / شااعر الدرر
دمتم ‘‘‘
اقتباس
المشاركة الأصلية كتبت بواسطة العـ راعي ـليا
هنّيت ياصاحبي من يقعد اقبالك=أنا اشهد انه خلِي اهموم ما جنّه
يهنا لي الجو في قربك ويهنا لك=والكل منّا ضلوعه مالها حنّه
هذا الذي ميّزك يالحر بأفعالك=والفضل من واهبك ما للعرب منّه
ماهي غريبه لفعلك يسبق اقوالك=عسى عدوك ينام ولا ضحك سنّه
همّال مزنك ما طفّى جمرة دلالك=فنجال مجلسك دايم فايحٍ بنّه
عسى الليالي حلاها دوم يصفالك=وجعل المنايا مثل شرواك يخطنّه
هاك الإجابه ولو ما ابديت سؤالك=كل المحاجر قدر ؛ جنّك ، ويهدنّه
من غير ما تطلبه عسى السعد فالك=ما فيهن اللي نوت من دونك الكنّه
هدّت يديني على الكيبورد كرمالك=حتى خفوقي على دربك يمشنّه
يشوش لا من قرا جزله من جزالك=وأسمى المعاني على طاريك جابنّه
اقتباس
المشاركة الأصلية كتبت بواسطة شاعر الدرر
لي الشرف يا رفيع القدر بوصالك=من قلب صافي سواد الحسد ماكنَه
ممن يعز الديار اللي بها اطلالك =ما دام لك في الحشا ياصاحبي جنَه
همس القوافي يقف حشمه من إجلالك=يامبدع الحرف همسك شاقني فنَه
ياجعــــــل ربــــــي يحقـــــــق كل آمالك=وتحيا على هدي رب الكون والسنَه
مابي صداقة بشوفة رقم جوالك=في كل ســـاعة تعيد الوصل بالرنَه
ابغى تخلي وصالي دوم في بالك=ومحاجر العين عشقك لي بترعنَه
من جال الآهات حتى نلتقي جالك=سَلم مصاعب لدرب الشوك يرونَه
إما التنازل وإما الموت فدوى لك =مُريـــن واحلاهما ما لي غنى عنَه
اختم بذكر الإلــــه الواحد المالك=اللي اودع الروح في إنسه وفي جنَه
يديم ذا الــــود منوالي ومنوالك=ونفوسنا بـــه رفيــــع القـــــــدر يحضنَه
لا استطيع ان اقول شيئا سوى ان اقول شهادة حق للمبدع راعي العليا انه من ذوي الذائقة الشعريه الاصيلة والذي يتمتع بقاموس شعري متميز بالابداع وجذب النفوس للاستمتاع بدرر الشعر
لك كل الشكر على هذه البادرة التي تدل على حرصك على كل مامن شانه الرقي بهذا الصرح الشامخ
لا استطيع ان اقول شيئا سوى ان اقول شهادة حق للمبدع راعي العليا انه من ذوي الذائقة الشعريه الاصيلة والذي يتمتع بقاموس شعري متميز بالابداع وجذب النفوس للاستمتاع بدرر الشعر
لك كل الشكر على هذه البادرة التي تدل على حرصك على كل مامن شانه الرقي بهذا الصرح الشامخ
إنطلاقا من الود المنبثق من إحساسك الراقي
دمت دائما بود
شهااادتك فيها أفتخر دامني حي = اقولها والشااهد الله عليّه
كلّي شرف من ساقها صاحبي لي = شااعر درر ، والدر أغلا هديّه