قالت: ترى منت بحلو قلت:رجال!
والزين ماهو من شروط الرجوله؟!
الزين يلقى عنـد لباسـة الشـال
والرجل زين ان كان زانت فعوله!
قالت:علامك تلبس شماغ وعقـال؟
انت بدوي؟قلت بدوي ومن حموله!
ما البس بناطيل لها اشكال والوان!
وأمتر الشارع بعرضـه وطولـه!
قالت:أجل راعـي معاميـل ودلال
شرب القهاوي تحسبونه بطوله؟!
كيفي يابنت الحضر دله وفنجـال!
وحليب خلفـه فالمـراح معقولـه
وحب الكرم والجود وعلوم الابطال
مغروس فينا من زمـان الطفولـه
قالت:ترى بنت البدو حظها مـال!
قلت احذري حذرا تكوني جهولـه
بنت البدو يابنت مضرب للامثـال
وفوق الجمال وطاعة الله خجولـه
ما حطت اصباغ وما حطت ظـلال
ولاسيرت فالسوق سير مهبولـه!
هي مهرة تصعب على كل خيـال
وانتي ومثلك عسفهن بالسهولـه!
قالت:تغزل بي وشف حبة الخـال
ناظر عيوني والرموش الكسولـه
قلت العفو ما يجتمع حب وهبـال!
ولكـل ذوق فالمزاييـن جـولـه
قلتي وقلت وكلمة الصدق تنقـال
الزين ماهو من شروط الرجولـه!
وسلامتكم....
منقوووووووووووول
العرض الشجري
