حلم الطفولة))
انا جريح الزمن والعين والفرقى///وانا نديم الشعر والليل ونجومه
اسهر وعين الشقا بدموعها غرقى///واسترجع اللي مضى من الحب وعلومه
واقول جعل الزمان اللي مضى يسقى//ايام كانت بها الافراح مزحومه
امثالها في العمر ماظنها تلقى ///واطلالها في ربيع القلب موسومه
كنا صغيرين لانشكي ولانشقى// وكلٍ يقضي مع من يعشقه يومه
عن غدر الايام يسرقنا الوفاء سرقى//وعن هاجس الهم كن النفس معصومه
تفكيرنا في الكتب ومطارد الورقى//او لعبةٍ في خيال البال مرسومه
وكانت بقربي اعز اهل ا لهوى وانقى//من عاشره قلبي المجروح بسهومه
نبني بلاحلام ضلعٍ عالي المرقى//ونرقب شعاع الصباح يفوق من نومه
ونبدى نهارٍ سعيد وفرحة ٍ تبقى //في عين طفلٍ جهل فالوقت وهمومه
واليوم غربت غرب وشرقت شرقى//محروم منها وهي من القرب محرومه
وحسيت بعد الفرقا بلوعة الفرقى//واصبحت اسامر ظلام الليل ونجومه
مع التحيه اخوكم المحب 000
°ˆ~*¤®§(*§الوافــــــــــــــــــــــــي §*)§®¤*~ˆ°
العرض الشجري
