ღ♥ღஇ رسائل من القلب 2 இღ♥ღ

[مرهف احساسه]

	من اخر ما كتبت من اشعاري اتمنى انها تعجبكم

احساسي في هالايام ياعمري غير

زادت بي المواجع

واخنقتني العبرات

عجزت اكتب عن اوجاع فرقاها

عجزت اوصف حالتي


او حتى اوصف دمعتي

كاني ياناس شايل هم والله حطم الفؤاد

وصابر ليوم فيه القاها

ليوم تنتهي آلامي للحظات

حتى تغيب وتختفي وترجع ايامي لمجراها

ادري ابتعدت عن ديار الاحباب

عن نبض حبي وحتى عن ظلاها

ابتعدت وقلبي ما يطاوعني على البعاد

وانا لاجل هناها حاربت شقايا

تمر بي الثواني والساعات والايام

و مع كل نبضة يزيد شوقي للقاها

..

عجزت ياناس اصبر

عجزت حتى اني عن هواها ما افكر

انطويت بغرفتي

خلف جدران دنيتي

انطويت تحت الظلام واشتكيت من همومي

اشتكيت والدموع على خدودي

احاكي هداياها

واطلبها كل يوم نفس الامنية

امسكها باديني واحتضن الهدية

افتكر ايامي معاها

افتكر ابتسامتها وضحكتها

حتى عطرها اللي اختفى

ومن ابتعادي عنها تلاشى وانتهى

و احضن هداياها بقوة

واتمنى اني ما انسى ذكرياتي معاها

ودي افتكر لحظة لقاها

وبعدها افكر واتخيل

وشلون بعدها العالم بيتغير

وانا ياناس بالحيل اترجل

وبمنديلها امسح دمعتي

و في لحظات امسك كتابي ومحبري

اطلب من قلمي انه يساعدني

يوصفلها عن حالتي

عن يومياتي

عن آهاتي واحزاني

وشلون يمر اليوم ويزيد اشتياقي

وشلون قلبي بينتفض يتمنى انه يلمس ايدينها

وشلون ينتظر الفرحة

حتى انه جف وانتهى

يحكيلها وشلون مرت ايامي

وشلون كانت حالتي يوم اني كلمتها

وباجحاف سدت طريق الحب لقلبها

وشلون حسيت بآهاتها تحكيلي

توصفلي شعورها

ابعد ارجوك

خلك بعيد ولا تتصل

ولا تنتظر يوم اني اشفق على حالك

ولا حتى انها تتحقق آمالك واحلامك

حسيت بهالكلام يخفته همسها وكانه هذا حال لسانها

حتى اني صرت بعدها اهذي باسمها

وجلست في حاله لا يرثى لها

..

يارب يا منان

ياخالق الارض والسماوات

يا مستجيب للدعوات

ويا مفرج الكربات

انت اعلم بحالي

بالعالم الدفين في اعماق احزاني

اللهم فرج كربتي

واجعل ايام فرقاها قليلة

اللهم بدل احوالي

وانهي همومي وايامي الحزينة

..

ادري اني قسيت على دفتري

وطويت صفحات افراحه

والقلم رميته فخزينتي

بينتظر يوم انه يطلق عنانه

ويتناغم مع شعوري

والصفحات ترقص على نغمات كلامه

بس قلبي ياناس ما يقدر يتحمل يعبر عن شعور الظلام

والحياة في عالم الاحزان

بس يمكن تنطلق من حروفي وآهاتي رسالة

وتوصل لقلوب عاشت بعيد عن حياته




تحياتي