يالقوافي جلجلي شـدّي ذلولـك
وارهمي ياخيل شعري ثم اغيري
ازحفي بالحـال لاتبـدي ملولـك
دكّي القيعـان حثّـي بالمسيـري
صوّبي للشرق غيري له خيولـك
صيحي بصيحه لها شاب الغريري
صيحي الثار السبب ضوي ليولك
في بريق سيوف عافت للجفيـري
إيه ثارٍ منـك يامظهـر عدولـك
عن فياضٍ كانت لذودك محيـري
ليه تحرمها لذيذٍ مـن سيولـك ؟؟
وليه نزّلتنْ وانـا بـاوّل اميـري
وليه ليه وليـه بدّلـت لظلولـك
في شموسٍ حارقه هدّت لغيـري
لعن ابو حيّك بقلبي من ينولك ؟؟
نلته وحلْته ولا مثلـك يصيـري
مير طعناتٍ قريته فـي مقولـك
خلّت جيوشي لثـاري تستثيـري
إيه ياصلْب الخفوق اعْدل ميولـك
مثل الاول خلّك بوضعك كبيـري
لاتبـدّل نظـرةٍ شفتـه بزولـك
نظرةٍ منها خفوقي لـك اسيـري
لعن جدّ الـودّ نوّخنـي بحولـك
اوّلٍ غـازي وتاليـه استخيـري
شقران
العرض الشجري
