[poet font="Simplified Arabic,4,black,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=white,offx=4,offy=4) shadow(color=white,direction=135) glow(color=white,strength=5)"]
هلا بك لو تعاتبني هلا بـك ياعتـاب احبـاب .... اعشقه لا لفى من واحدٍ يشره علـى احبابـه
دخيل النبره العذبه دخيـل السحـر بالاهـداب....دخيل احلى تشـراهٍ يجـي ممـزوج بعتابـه
دخيل الوجنتين اللي تداعـب خافـقٍ ماتـاب.... دخيل البسمـه اللـي فعلهـا للقلـب نهابـه
دخيل احلى تغناجٍ يـداوي قلبـي المنصـاب....خطير إنه يبيّن للعـرب جرحـه ويـدرا بـه
دخيل احلى عذاب يواجه العاشق ليامـن ذاب....لجل عين الحبيب اصبح يبـي لـذت تعذابـه
دخيل احلى تواصيفٍ لجت في شكلك الجـذاب......وخلت نظرتـي يمـك لكـل النـاس جذابـه
تخلي خاطرٍ مـاوده إنـه ينتقـي الاسبـاب ...... ولا تحرج خفوقٍ لابغى يخفـى مـن اسبابـه
وإذا ناوي علي تزعل لك الله وش بقى ماصاب ...... خفى قلبٍ لجل عهد الوفى لك عقّـل إركابـه
تريث وانتبه واعرف تراني عاشـقٍ ماهـاب ...... ولاني اتبع المقفـي والا اوقـف علـى بابـه
أفضل اكتم الحرقه واشرّف في سمى المرقـاب ..... ولا اقبل من معاصير الهوى تكثح لي ترابـه
أعرفك ماتعرفين الطريق الموحـش المرتـاب ..... ولاتقـدر علـى الفرقـى ولاتحسـن تغلابـه
لذلك ياهوى بالي بلاش من الصـدى الكـذاب ...... وخلك في حقيقـة جوهـرك باجمـل تهذابـه
ولامنك بغيت تلومني باحلـى جميـل عتـاب ...... عتاب اللـي يبـي خلّـه ولايقـوى تغيابـه
اقول اهلاً وسهلاً بالعتاب اللـي يـدق البـاب ...... لاصار اللي يجيبه فضّل العاشق على اقرابـه
هلابك وان تعاتبنـي اجيلـك بالولـه طـلاب ...... وشوقٍ قاضيٍ وقته لجل عينك علـى اطلابـه
[/poet]
العرض العادي
