انا مدري وش احساسك
ومدري وش تظنيني
انا الصادق في عينك كنت صرت الكاذب الخوان
انا اخطيت ما انكر ولا في عذر يكفيني
سوء اني احبك حييييل واني دايما انسان
انا ادري بمدى جرحك وادري الحظ جافيني
يطول الوقت ما اخطي واذا اخطيت كل شي بان
انا شفت الزهر مايل وظنيته يناديني
قطفته يوم ضميتيه لقيته للاسف ذبلان
عرفت انك زهر عمري عرفت انك بساتيني
وغيرك قيظ ما يروي سراب يشقي العطشان
انا لو ما حصل ما كان وشو الي يدريني
بانك ما سواك انتي سكنتي القلوب والوجدان
انا اسف على اعذاري
عجزت القى عذر فيني
يليق بغلطتي في حقك ويرجع كل شي كان
احبك كثر اخطائي وادري انك تحبيني
وادري لو تفارقنا فلا نقدر على النسيان
واذا تقوى على فراقي وبعدي عنك خليني
انا مليت من دور الكراره ولعبه الغفران
قليل العمر يالي انتي دموعك ما تساويني
حرام انه يضيع فراق هي من قلها الاحزان
العرض الشجري
