<< وش عنده فنان العرب خخخخخخخخ امزح بس تعالوا اول مره بخليكم تبكون

[سهرتني ياحب برتاح]

السلام عليكم

صبحكم اللـــه بالخيــــر

اخباركم يا اهل القسم

والله مدري الموضوع اللي بجيبه مكرر والا لا بس تروه منقول

بس عاد لجل عين تكرم مدينه

وفتى عشانهم عينوه مشرف لازم نطبح بقسمه

ولاتهون هنوو << لو تطلع براسك نخله صورة اكرم ماني شايلها
ودودي والحصان

المهم

هالقصه باين انها اشاعه بس عاد رهيبـــه حتى لو هي اشاعه


يقولون انها تحكي قصة طلاق الامير الشاعر الرائع بكل ماتعنيه الكلمه (( بدر بن عبدالمحسن ))




قصيدتين قديمتان واحده منهما بعنوان 'أبعتذر'
للشاعر ((بدر بن عبد المحسن))

غناها فنان العرب ((محمد عبده))..

والثانية 'تقوى الهجر' أو ' لا تعتذر'
للشاعرة...كما لقبت نفسها... بــ(( الأمل المجروح))!



غناها الفنان ((خالد عبد الرحمن)) والذي استغرق في تلحينها ثلاثة أشهر لكي تظهر بالشكل الذي ظهرت عليه وبالفعل لاقت أغنيته نجاح فاق نجاح أغنية 'أبعتذر' لمحمد عبده بكثير..





هذي القصيدتين ظهرت عنهما إشاعات كثيرة هناك من يؤكدها وهناك من ينفيها ولكن الأكيد والأكيد أنها لبعضهم مقصودة...

وكما هو الواضح قصيدة 'أبعتذر' هي الأولى وقصيدة 'تقوى الهجر' كانت رداً عليها!



والإشاعة اللي تداولها الكثيرون عنهم هي أن الأمير ((بدر بن عبد المحسن)) كان يريد أن ينفصل عن زوجته التي هي ((الأمل المجروح)) لكنه لم يجرؤ على أن ينطق بذلك أمامها ..!!

فأرسلها لبيت أهلها .. وبعد مرور أيام طويلة بعث لها هذه القصيدة مع أحد السائقين وعندما قرأت قصيدته أغمي عليها وفهمت منها أنه طلقها مع العلم بأن 'البدر' كان يعشقها بجنون ..ولكن الفراق كان بسبب ظروف خاصة !!.


وهنا سنرى القصيدتين 'أبعتذر' و'تقوى الهجر' وقد دمجتهما سوياً على شكل إلقاء ورد...











البدر
أبعتذر....



الأمل المجروح
لا تعتذر!!






البدر
أبعتذر عن كل شي إلا الهوى ما للهوى عندي عذر.. أبعتذر .. عن أي شي..
إلا الجراح.. ما للجراح إلا الصبر...


الأمل المجروح
دام الهوى ماله على قولك عذر...والجرح ياجرحي يداويه الصبر ليه العذر؟!






البدر
ولو ضايقك إني على بابك أمر في ليلة ألم .
. واني على دربك مشيت عمري وأنا قلبي القدم .
.أبعتذر ..أبعتذر كلي ندم
أبعتذر عن كل شيء
إلا الهوى مال الهوى عندي عذر
..أبعتذر عن أي شي إلا الجراح ما للجراح إلا الصبر..


الأمل المجروح
لالا تعنى لي وتمر وتبغى الصبر ..وين الصبر؟
جــرحــي عـــمـــيــــق والقلب في دمه غريق !وتبغى الصبر؟!
ويلاه من وين الصبر.. مهما تقول لا تعتذر ،
مهما تقول من الأغاني والجمل . .
ما يحتمل قلبي فديا جبر الألم
يمشي معك درب الندم ما يحتمل ، يكفي عليه منك احتمل كذب وغدر،
حبك سراب ضيعت وقتي اتبعه يكفي عليه ..





البدر
تصدقي ما اخترت أنا أحبك محد يحب اللي يبي
يا حبي المر العذب سكنت جروحي غصب ، ليت الهوى وأنتي كذب ..



الأمل المجروح
يكفي عليه منك احتمل كذب وغدر ، حبك سراب ضيعت وقتي اتبعه ،
وسط الضباب صوتك ينادي أسمعه صرت أتبعه..






البدر
أبوعدك كان الطريق بيبعدك . . أبمشي في طريق ..


الأمل المجروح
تمشي في طريق . . وين الطريق اللي يوديني لبعيد عنك يا أول رفيق البعد يعفيني المزيد ..






البدر
أبوعدك كان الجحود بيسعدك . . مالي رفيق ..


الأمل المجروح
وين الوفا والتضحية . . وينك رفيق..؟؟!





البدر
أبجمع أوراق السنين وأودعك ..


الأمل المجروح
بتجمع أوراق السنين . . لا تنسى تجمع جروحي ودمعي وآهاتي معك وقلبي بعد ما قتلته يا رفيقي ما عاد يقدر يمنعك ..





البدر
أبعتذر أبعتذر كلي ندم أبعتذر عن كل شيء إلا الهوى مال الهوى عندي عذر ..


الأمل المجروح
وين الندم بين السطور . .عمر العدم ماله ظهور .. ترى هذا غرور . . هذا غرور ..!!!



هنــــــــــا انتهت القصـــه والاغنيتين

من جد << يتخيل لو انها صدق والله شي يقهر
لكن مانقول الا مشكور ياسهرتني على هيك مواضيع


بس الجد على قولتها
دام الهوى ماله على قولك عذر
والجرح ياجرحي يداويه الصبر
ليـــه العذر

^^
^
هالكلام شككني ان السالفه صدق ^_^