السلام عليكم ورحمة الله وبركاته
اشاركم اليوم في هذه البسيطه والرائعه لشاعر لا اعرف من هو
ولاكنها نالت شي من اعجابي واتمنى ان تنال شي من اعجابكم
من غلاه أرسل على رقـم جوالـه=والرسايـل صاحبـي مـا يعبرهـا
ياسعد سبحان مـن غيـر أحوالـه=إختلف..وخلف ظنونـي وغيرهـا
شايفـه عقـب البطا..سالـيٍ دالـه=وكل ذكرى..راح ماعـاد يذكرهـا
يوم كلن راح فـي دربـه إلحالـه=يمكـن الدنيـا خذتـه بمظاهرهـا
والظروف وجاير الوقـت وأهواله=تخلـف إقلـوب الاوادم وتجبرهـا
وادري الفرقـا صعيبـه وقتـالـه=تقتـل كبـار الآمانـي وتقبـرهـا
أحسبه بالحب يمشـي علـى فالـه=لين معه طيور الاشـواق طيرهـا
ياسـعـد الله يجـازيـه بفعـالـه=ترقـد عيونـه وعينـي مسهرهـا
والا انا عقب البطا.. مالـي ومالـه=أدفـع الرجـل لدروبـه وسيرهـا
الصحيح..أجوع له شوق وأضمالـه=تمشي الاقدام والقلـب يـا مرهـا
غصب عنـي يـوم اروح اتعنالـه=الله يكـفـر ذنـوبـي ويغفـرهـا
كل ما قلت أتركه واقطـع احبالـه=غزت الذكرى.. بقلبـي خناجرهـا
أشهد ان الحب باقـي علـى حالـه=بالقلوب.. وبالنفوس.. ومشاعرهـا
وأشهد انه داخـل القلـب منزاله=يبنـي قصـور الغـرام ويعمرهـا
ما سقط حكمه.. ولا طـاح تمثالـه=بالغلا.. كل المشاعـر محاصرهـا
وله شعوري.. واعذب الشعر يزهاله=فيه صعبـات القوافـي مصخرهـا
الله يهنـيـه.. ويحـقـق آمـالـه=ويسقي ارضن داج فيهـا ونورهـا
لا يخلينـي كذا....حالتـي حـالـه=جعل تفـداه القصيـده.. وشاعرهـا
منقوووووول
العرض الشجري
