|
.,.,.,.,.,. عــطـــــارة الــــود .,.,.,.,.,.
{ مدخ ـــل:-
صَحَّ عَنْ النبي صلى الله عليه وسلم أَنَّهُ قَالَ : « لِكُلِّ دَاءٍ دَوَاءٌ فَإِذَا أُصِيبَ دَوَاءُ الدَّاءِ بَرَأَ بِإِذْنِ اللَّهِ عَزَّ وَجَلَّ ».
الكل يؤمن بالطب البديل اللي هو التداوي بالاعشاب
وانا اليوم طرت لي هالفكره عشان الكل يستفيد
وفكرة الموضوع انو اي احد يعرف طريقة التداوي لاي شي لاي مرض يفيدنا فيها عشان يكون هالموضوع موسوعه شامله لكل الاعشاب
مثلا :-
للتسمين
للتنحيف
لحب الشباب
للنفاس
للحائض
للعين
للسحر
للبهاق
للثعلبه
للحمل
للكحه
لاي شي يخطر على بالكم تعرفون له تداوي بالاعشاب ومجرب لا تبخلون به علينا يعني مانبي شي غير مضمون مأخوذ من منتدى او موقع
عشان المحتاج (( الله لايحوجنا يارب ويديم علينا عافيتنا يارب )) لما ياخذ شي من هالموسوعه يتوكل على الله ويجربها بدون خوف
وانا راح ابدأ
(((( خلطه للتسمين ))))
كميات متساويه من
قريض
ماش
سكر نبات
تطحن وتؤخذ منه ملعقه على كوب عصير او حليب في اول اليوم
وبأذن الله خلال شهر من المداومه راح تزيد 4 كيلو <<< مجربتها صديقتي ومتشققه على هالكيلوات
((( خلطه للسحر والعين والنفس )))
خلطة الرومي من العطار
وهي عباره عن ملح
شبه
سدر
طبعا العطار راح يعطيك اياها بكميات متساويه حقت 7 ايام يعني 7 اكياس
كل يوم تغسل جسمك بكيس بس بدون مايجي الشعر لان السدر والشبه بتخلي شعرك عرادهـ
وتغتسل بها في وقت المغرب وبعدها تصلي المغرب وتقرا سورة البقره والرحمن لمده 7 ايام
<<<< مجربه ومضمونه
((( خلطه لطرد البلغم وتخفيف السعال )))
اللبان الذكر او المر
يؤخذ منه بجمع اليد ويغسل ويخمر في جيك مويه
وكل يوم تاخذ لك بياله منه مرتين باليوم
وان شاء الله خلال يومين او ثلاثه البلغم كله راح يطلع من صدرك والكحه بتروح
<<< الوالده الله يطول بعمرها دايم تسويها لنا اذا تعب احد
يالله باقي الخلطات راح اقولها لما اشوف ردوكم وخلطاتكم
{ مـــ خ ــــرج :-
قال رسول الله صلى الله عليه وسلم { لايُؤمِنُ أحَدُكْمْ حَتى يُحِبَ لِأخْيِه مَايُحِبُ لِنَفْسَه }
قال تعالى { واذا مرضت فهو يشفين }
وش رايكم بس بقوس قزح اللي ناثرته لكم بهالموضوع خخخخخخـ
|
العرض العادي
