أحـبـك .. آه أنا يا ليت قلبي .. شعلةٍ من نور
كـريمٍ مثل شــوق النظـرة اللي تسكن أهدابك
أحبك وش بقى مني حطام العاشق المغرور
وما اظن الزمان اللي مضى يرجع من أسبابك
ولكن صدقيني الصدق في هذا الزمـان شعور
يحبك من صدق لك مــره ماهمه عتابك
أمانه لاتصبين العمــر في كاسي المكسور
يضيع العمر ما يبقى سوى الابهام وأنيابك
أبد ماهو قصيدة كتبها لك شاعرٍ مشهور
ولا هو وردةٍ يذبل ورقها في داخل كتابك
ولا هو بسمةٍ صفرا على شفاه موات بور
وملامح صورةٍ تخفينها حتى عن اصحابك
ألا يا طفلتي ماهو الهوى هالشارع المهجور
ولاهو ريحة غبار الوعد في أسفل ثيابك
كذب من قال ورد العاطفة ينبت بظل السور
وجبان اللي يخاف الناس لو وقف على بابك
كتب لك كل مافي الحب من عذب الكلام سطور
ولكنه عجـز يــا طفلتي لا يكتب كتابك
شجون دبي
العرض الشجري
