بسم الله الرحمن الرحيم
قصيده من الارشيف وحبيت اشارككم فيها من جديد
اتمنى لها القبول
الصبر صبر اللي من الوقت ما ارتاح = ولا يستوي صبرٍ بليا عزيمه
وانا من الثنتين كساب الامداح = والفضل من محي العظام الرميمه
والصبر للرجال جيه ومرواح = حشمه ومعروف وكرامه وشيمه
لكن اشوفه راح من عرض ما راح = ولا عاد له في تالي الوقت قيمه
حشيمته ماتت وهي راس الارباح = وخسايره ما عوضتها الغنيمه
ونتايجه في عارضي شيبها لاح = جسمي سليم وعلتي مستديمه
صبرٍ مضى واكثر ما في خاطري طاح = بوقتٍ تساوت في رجاله حريمه
يقوله اللي باح سده ولا باح = ولا زال له عزمٍ يذب الخريمه
رقاي
العرض الشجري
