المكان / مستشفى الشميسي بالرياض
الزمان / قبل شهر
القصه / في سياق القصيده
المصدر / أحد العاملين في المستشفى يرويها
جيت حاملها على كـف الزمـان=قصة ٍ تروى على طـول السنيـن
ماهي قصة كان , وكان وياما كان=قصة الي ضامها الظلـم الدفيـن
وردة ٍ كانـت علـى بـر الأمـان=تنتظر في عمرهـا حلـم ٍ ثميـن
واستتم الـورد عمـره واستبـان=ينتظر من يقطفه فـي كـل حيـن
مـرة ٍ يرفـض أبوهـا يـافـلان=ومرة ٍ يستنكـد الحـظ ويشيـن
كبرت الورده وشان العلـم شـان=من يجيها بعد سن الأربعيـن ؟؟!!
وانزوت في بيتها تبغـى الأمـان=من عيون الشامتيـن الساخريـن
تحسب الساعـات وتعـد الثـوان=وبعد مده حسّت بمغـص ٍ دفيـن
راحت الدكتـور والمخفـي يبـان=وبالأشعه حصلـوّ علـم ٍ مكيـن
قالوا في رحمـك لقينـا سرطـان=يا نشيل الرحم أو انك تموتين ..!!
ماعلى الدنيا يابـو خالـد امـان=والمصايب مالها وقـت ٍ وحيـن
قالت يادكتـور أذا بقلبـك أيمـان=اتـركــه لله رب العالـمـيـن
رغبتي في طفل يملالـي المكـان=لو تأخـر مقـدم الحلـم الثميـن
هذي قصه ساقهـا شاهـد عيـان=من صميم الواقع المـر الحزيـن
جيت حاملها على كـف الزمـان=قصة ٍ تروى على طـول السنيـن
العرض الشجري
