يازمــان وفـيه عـنتر فـيـه ابـوزيد الهــلا لي = فـيـه للا بطـال فعل وللـشعر فيــهم جريـــر
فـيــه للا ســلا م ناس ٍ فـرقــت حُـرمْ وحــلا لي =والحـساب إليوم تلقى فيه جـنـات وسعير
والقــرون اللـي توالت شَرَها كان التـوالي = راح خير القــرن الاول يالله إنـي مـسـتـجـيـر
مخـتلف هـذا الـزمـان ومخـتـلف فالنـاس حالي = ماعرفـت الخـيـر وينـه يالله إنـي مـسـتــخـير
صـرت افكر فالـسنـيـن إليا كبر فيها عـيالي = كيف ذاك الوقـت يمـكـن تاكل الـذ يـب الحمـير
كيـف ذاك الوقت يـمكن يعـتلي السهل الجـبالي = والكبير العـود يمكن يرجع إف.وقـتـه صغـــير
يـمكـن إلـيا مـن تَـنَـوٌتْ تنطـح الفيل الغزالي = يمكن يـطول الزمان وتـركـب الـشاة البعــيـر
جايزٍ فالوقـت يمكـن تاكل اللحم الجمالي = والأسد جاع وتـعـشـى يوم جاع من الشعــير
الـرجـال اليـوم صارت بين قيل وبين قـالي = بـيـن همازٍ مشين وبيـن نفاخـيـن كير
صـرت أخاف إليا مشـيت احـطـ في مخباي مالي = ينسرق سـرقة حرام ويـنـسحـب منى يطـــير
يسرقه شخـصٍ ضعـيف وقالـوا الـرجل الـمثالي = ذاع صيـته كلِ صـوتٍ ذاع وصايـر لِـه صـريـر
صار لِـه قيـمــه وصايـر لِـه مـقـام ولِـه مقالـي = مستشار اليوم عنـده لـجـل مـنـه يستشـير
بعـض خـلـق الله عـدو . و بعـض خلق الله موالي = كل حـي وبان صوته صار نـسمع لِـه شخير
صار يـفـتل فالعلوم و لا وقـف مال العقالي = مثل مـيلا ت الضمايـر ياعـزاتك فالضـمــير
هـذا حال الوقت كلـه كل نجـم ولـه مجالي = ماتـشـوف الا رض دايــم فـي زمانك تسـتـد ير
يـازمـان وقل خيره وإنقصوا فـيه الرجالي = ياعـسى لك يـوم يـظـهر فيـه نـور ونـستـنـيـر
العرض الشجري
