حنّا الطنايا لا طنينـا .. طنينـاتشهد لنا نجد وحايل والرعيلـه
وتشهد بعد كل القبايـل علينـاإنّ الطنايا اسـم ذيـك القبيلـه
اسم الطنايا تاج فـوق الجبينـاتاج ينومس كل راسٍ .. يشيلـه
تاريخنا وافـي لصروحـه بنينـابأفعال ربعي كاسبيـن النفيلـه
للشمس مرقاب الطنايـا رقينـافي قمته _ في قمته نرتقـي لـه
مثل النجوم الساطعات اعتلينـاومثل السحاب وكل عينٍ تخيلـه
يابنت حنّـا لازعلنـا .. نوينـاماهي سوالف (ألف ليله وليلـه)
(شمّر) ليا عـدو علومـه تبينـاأفعالنـا بالطيـب كـلٍ دريلـه
كبار الصحون ونفتخر لاحكينـاوساع الطعون وفعلنا مايبي لـه
لاجا نهـار؟! بالملاقـى رسينـامثل الجبال الراسيـات الثقيلـه
يابنـت حنّـا لامشينـا كفينـاوالله وكيلـك مامشينـا بحيلـه
نـزوم لكـن لانوينـا قوينـاللعـز نجـم يستخيـل ونخيلـه
عاداتنا_عاداتـنـا لارتكيـنـاكل الحمول الكايـده نرتكيلـه
نشوش لامنّه تعزوى .. حدينـالاثار عج الخيـل كـلٍ وخيلـه
حنّا مقابيس الوغـى لا انتهينـانار تقابس عند قبـس الفتيلـة
اليا ركبنا ظهورهـن واعتلينـاعيب على اللي مايناطـح قبيلـة
مثل المزون الناشيات ان مشينـاوالا كما سيـل تحـدر مسيلـة
حنا الطنايـا لازعلنـا وزمينـانزوم زومات البحـور الطويلـة
واللة نقط اروحنـا مـا انثنينـايوم الشدايد والسيوف الصقيلـة
نشرب قراح صافـي لاضمينـاحتى يبـل اكبودنـا سلسبيلـة
نموت في عز وشـرف ماشكينـالاماشكينا ولابتي ينشكـي لـة
عاداتنـا يابنـت لامـن غزينـابسيوفنا نشف القلـوب الغليلـة
بالدم خضبنا السيوف وكسينـالجل العيون الناعسات الكحيلـة
كم فارس من فوق خيلة رمينـامن هامنا تبكي عليـة الحليلـة
حريبنا يبلـش ولا لـه معينـاإليا وقع بين الصناديد ويله وياويله
إليا رفع خشمه لخشمـه وطينـاناطا على خشمه وراسـه نزيلـه
قاسين لاشـان اللقـا مانلينـاوالموت لا منّـه دعانـا نجيلـه
بيض النوايا لابتـي لـه وفينـاحنّا الطنايـا يالقلـوب الهبيلـه
وخوينا لاصـار دالـه رضينـاحنّا هل الخوه ويكفـي دليلـه
والجار كنّه مـن حـدا والدينـالو كان يخطي نحتمل جور ميلـه
ودخيلنـا لامـن زبنـا حمينـاوإليا عوى ذيب الفيافي نعويلـه
والضيف نذبحله وتشهـد يدينـاويكفي منّا حاتم ذبّاح الأصيلـه
ويشهد لنا ذيبٍ تعشى السمينـاعشوه ربعي بالسنيـن البخيلـه
حنا هل الناموس رحنـا وجينـاوأهل الوفا والكيف دله وهيلـه
وأهل الكرم حنا ويامـا عطينـاياما عطينا من العطايـا الجزيلـه
مثـل الجبـال بعزنـا شامخينـاافعالنـا .. يابنـت ماينقويلـه
يابنـت حنـا لا طنينـا طنينـاماهي سوالف ألف ليلـه وليلـه
العرض العادي
