أداريها
عيوني عنك.. أداريها
عن عيونك..
أخاف تحس بأشواقي..
وتعرف اني مجنونك..
أذوب بنظرة عيونك..
وأحاول أكتم احساسي..
وأنفاسي..
على شانك..
أخاف الناس يدروبك..
يحسدوني..
على حبك..
لأني صرت محبوبك..
****
أداريها..
عن عيونك..أداريها
خطاي اللي تبي دربك..
واروح بعيد.. من خوفي
وارجع لك
لأنك مالك شعوري..
واسمك ساكن سطوري..
يجدد قصة الحرمان.. بأشعاري
يغنيني..
يبكيني..
يسهرني.. ويرسم بسمة سنيني..
****
أريد أبوح واتكلم..
أريدك تنتبه.. تفهم..
انا أحبك..
من سنين الطفولة لك أخبيها..
هدية ما خذاها الغير..
وخطوة ما ثناها السير..
وشمعة لجلك أشعلها..
ولا غيرك يطفيها..
احبك..
تسكن ضلوعي..
وحبك.. ضعفي.. خضوعي
وقوة مالها آخر.. ولا أول..
ولا تعرف نهايتها..
يليتك بس تفهمها..
وتقراها وسط عيني..
جرت باقصى شراييني..
غدت أحلى عناويني..
ولكن مشكلة قلبي..
عشق قلبك..
وقلبك صار ملك الغير..
وانا مقدر أقول أهواك..
لانه صاحبي بالخير..
وافضل أكتم اشواقي..
وأداريها..
عن عيونك..
وعين الغير..
بلا تبرير..
وازورها..
واحرفها..
واداريها..
واحاول عنك أخفيها..
العرض الشجري
