مرحبا بالجميع0
حياكم الله0علي فكرة 00المرة هذى حبيت اني اكتب شي بعيد عن المواضيع الرسمية0حبيت ان هالموضوع يكون على شكل سواليف 0طبعاً سواليف له علاقة بالصحة والغذاء 0لاتحسبوني بجلس اسلوف عليكم قصة حياتي مثلاً00
بس حبيت اغير من الروتين اللي علية مواضيع المنتدي0طبعاً بعد اذن مشرفتنا العزيزة0هذا اولاً
اما ثانياً00حبيت اني اختم مشاركاتي بهالمنتدي الرائع والجميل بموضوع يكون خفيف على الدم انشالله0وفية شوي من الفرفشة الطبية الغذائية القديمة وانشاءالله يكون ختام مسك00
جدتي ياجدتي ياجدتي00وااااااااااه على سواليف العجز 0وش حليلة جدتي لامنه صار مزاجه رايق ها00000كاليوم0بعد ماترتخت من شرب الدلة المبهرة بالهيل والمطعمة بالقرنفل والمسمار00ودقت على صحن السكري اللي يجيها بطلبية من عنيزة القصيم0
مرتن من المراريت<< وهى جمع لكلمة مرة00
وبضحي يوم من الايام000جلست بجنب جديدتي00الله يطولي بعميره
وقلت له ياجديدتي الغالية00ماودك تسولفين لي عن حياة اول000
وش تاكلون وش تشربون وشلون عايشين00
سحبت جديدتي نفسه بقوة وتنهتت00وخفت 00 بسم الله عليك يابعد عمرى00وش بك000
قالت ايه وانا جديدتك00تبينى اسولف لك عن زمان اول00تبي تفتح مواجعي00تبي تذكرن بشبابي00<< الله واكبر ياهالمواجع000
ايه ياجديدتي00انا ودي اعرف حياة اول وش لون هي قايله00
وصحيح ياجدتي انكم اول تطبخون الرز وتجلسون تاكلون منه يومين؟؟
ومايخرب0ولا يجية تسمم00وماتنوجعون من هالرز المطبوخ قبل يومين
ضحكت جدتي وطالعت لي بعيونها العسلية<< مايمديكم علية00
وقالت000
اية000الله يرحم ايام زمان00كنا نترك الرز بقدرة طول الليل بالقفة<< والقفة هذي للي مايعرفه00عبارة عن سلة تنزل من السقف يحفظ به الطعام بعيد عن الحشرات وغيره00يعني ثلاجة زمان اول00سامسونج على غفلة ولا كالفينيتور00*3
ولامنة جاء من باتسر تغدينا منة واذا بقي شي تعشيناه000
وماكنا نتسمم او نمرض00ياربي لك الحمد والشكر00
لكن انتم ياعيال الثلاجات والفريزرات00هذولا انتم تحفظون اكلكم بهالثلاجات وتاكلون منة00ومانتم سالمين من التسمم والاوجاع0ولاسئلت واحدن منكم وين تبي قال للدكتور ومنين جاي من الدكتور وكيس علاجة معه ومليان من هالعلاجات وهالخرابيط اللي يالله لك الحمد مانعرفها زمان اول0
عاد انا وبلقافتي المعهودة وحبي الشديد للشفاية00*q سئلت جديدتي وقلت 00طيب يابعد عمري 000رزكم هذا مايصير حامض بحفظكم لة بهالطريقة بدون اي تبريد000<<< عامل نفسة مثقف ويبي يتفلسف على جدتة*3
طالعت بي مرتن ثانية بعويناته وقالت00وش مدريك00هالحامض اللي تقول عنة هو اللي ندور علية بأكلنا0000؟؟؟
اذن الظهر وقامت جديدتي الله يحفظها تبي تصلي0000وماكملت لي سالفة الرز الحامض0
جلست افكر والف سالفة الرز الحامض يمين وشمال ابي اقنع نفسي
ومافهمت وش قصدها00معقولة كانوا اول مايتلذذون بالرز الا اذا صار حامض00؟
ودارت الايام000وانا افكر برز جدتي الحامض00
وبيوم 000دخلت مطبخنا تالي الليل00وجلست افتش بالثلاجة ابي عشاء 00ابي اي شيء اكلة مت من الجوع00ومالقيت شيء بالثلاجة يوكل00مابه الا لبن وماء وخبزتن يابسة000وكل انواع العلاجات والمضادات الحيوية00ياربي وش هالحالة00*e
صبخت بالثلاجة من القهر والزعل والجوع اللي قطع مصاريني00
ورحت افتش بالقدور يمكن تكون امي نست شيء وماحطته بالثلاجة0
الا واشوف هاكالقدر00واطير يمة وافتحة 00ولقاة مليان رز00من بقية العشاء00واشم ريحة 00الا ياربي لك الحمد والشكر علي النعمة 00ماينوكل00قلت والله الجوع ولا هالرز البييت<< يعنى فضلة العشاء0
صحيت الصبح00من الجوع00ودخلت المطبخ00الا هذى الشغالة به وجالستن تاكل من هالرز اللي بالقدر00
هية000انتي00وش اللي تسوين00تدرين ان هاللي تاكلين من رز امس وبراء الثلاجة00لاتموتين علينا نبلش بك بعد ماحنا ناقصينك00
قالت00ادري00انا اللي حاطتة براء الثلاجة00علشان اذا قمت من النوم افطر علية00
وشوووووووووو00وش تقولين انتي00؟
علشان يصير طعمة حامض0000تذكرت سالفة جدتي00
وسئلت الشغالة00وش الفايدة اذا صار طعمة حامض00
قالت هالحموضة هي اللي تقتل كل المكروبات والجراثيم اللي بالجسم
وتقوي مناعة الجسم00
قلت 00قومي000قومي بس سوي لي فطور وخلي عنك الهرج الفاضي
وياخوفي انا نتحمل بحثك عن هالمذاق الحامض00
***********
خلاصة قولي بان زمان اول صحيح ماكانوا يعرفون الثلاجات ومايعترفون بشيء اسمة حفظ بالتبريد وغيره00عكسنا اليوم اللي كل اكلنا محفوظ وزدن على حفظنا له تلاقية اصلاً مزود بمواد حافظه جاهزة واللي ثبت مؤخراً ان لها دور كبير بالامراض المنتشرة حالياً00وان اكل اول خالي من المواد الكيماوية وكانت المنتجات الغذائية تنتج من اسمدة طبيعية0كعس حالنا اليوم واللي كل اكلنا كيماوي بكيماوي00ومع ذلك ابائنا واجدادنا ماعرفو هالامراض اللي عندنا الحين 0وتلاقي الواحد منهم ماشاءالله مازال محتفظ بقوتة ونشاطة وعمرة قارب الثمانين سنة او اكثر0
اللي بقولة 00الى متي وحنا ناكل كيماوي ونشرب كيماوي ونتنفس كيماوي00متي نعرف ان اللي جالسين ناكلة الحين سم قاتل 00
المادة الغذائية اذا ماحفظتة بالثلاجة انتهت قيمتة الغذائية وتخللة الفساد والتسمم الغذائي00طبعاً لوجود المواد الحافظة فيها00
والحين عرفتوا الفرق بين صحة ابائنا واجدادنا وصحتنا اليوم0؟
اللهم اتم علينا نعمك0واحفظ لنا صحتنا 0واحمنا من كل داء مكروة0
اسف للاطالة احبتي00ولكنني احبت المقارنة بين اكل الماضي والحاضر بهذة الطريقة والتى اتمنى انني قد وفقت بإيصال ماكنت اهدف الوصول الية00
سعدت بتواجدي بهذا المنتدى الرائع كروعة اشراف القائمة علية الاخت العزيزة دبه تسوى رجيم للايام الماضية00اتمنى من كل قلبي ان اكون قد وفقت بجميع المواضيع التي شاركت بها هنا0وان تعم الفائدة المرجوة منها0وحسبي ان اكون قد اخطئت بحق احدكم فلة منى كل الاسف عما بدر مني تجاهه00والمسامح كريم00استودعكم الله التي لاتضيع ودائعه00القاكم علي خير00
تقبلوا مني اجمل تحية معطرة برائحة الورد00
اخوكم000الساااهر
العرض الشجري
